19.08.2026 | 15:10
Պապիկյանն անակնկալ զորամասեր է այցելում // 18-ամյա աղջկա առևանգման գործով ձերբակալված կա․ ԼՈՒՐԵՐ
IDBank-ի ներկայացուցիչ Իննեսա Ամիրբեկյանը՝ Առևտրի միջազգային պալատի (ICC) Բանկային հանձնաժողովի՝ երաշխիքների հարցերով Աշխատանքային խմբի համանախագահ
26.11.2025 | 14:07
Վճարովի բովանդակություն
IDBank-ի ֆինանսական ինստիտուտների վարչության ղեկավար Իննեսա Ամիրբեկյանը նշանակվել է Առևտրի միջազգային պալատի (International Chamber of Commerce, ICC)՝ Բանկային հանձնաժողովի Երաշխիքների հարցերով Աշխատանքային խմբի (URDG 758) համանախագահ։ Այս աշխատանքային խումբը առանցքային դեր ունի բանկային երաշխիքների միջազգային պրակտիկայի ձևավորման մեջ․ այն ապահովում է URDG 758 միասնական կանոնների ճիշտ և ժամանակակից կիրառումը, տրամադրում է մասնագիտական ուղեցույցներ միջազգային գործարքներում, ինչպես նաև մասնակցում երաշխիքների միջազգային ստանդարտների կատարելագործմանը և գործընթացների թվայնացմանը՝ նպաստելով ավելի ապահով և արդյունավետ միջավայրի ձևավորմանը։
Իննեսա Ամիրբեկյանը նշել է․ «Պատիվ է ստանձնել համանախագահի պաշտոնը և համագործակցել ոլորտի առաջատար մասնագետների հետ, այդ թվում՝ Անդրեա Հաուպտմանի, որը երկար տարիներ ղեկավարել է աշխատանքային խումբը և ձևավորել է ժամանակակից երաշխիքային պրակտիկան։ IDBank-ը ներկայացնելը այս հարթակում և՛ մեծ հնարավորություն է, և՛ պատասխանատվություն։ Կշարունակեմ աջակցել երաշխիքների հստակությանը, միասնական կիրառմանը և ոլորտի թվայնացման առաջընթացին։
IDBank-ի Վարչության նախագահ Մհեր Աբրահամյանի խոսքով՝ այս նշանակումը ոչ միայն ընդգծում է Իննեսա Ամիրբեկյանի մասնագիտական ներուժը, այլ նաև շեշտադրում IDBank-ի աճող դերը միջազգային համագործակցության դաշտում և հաստատում Բանկի հանձնառությունը՝ շարունակել գործել համահունչ առևտրի ֆինանսավորման ոլորտի գլոբալ լավագույն փորձին։
Ընդհանուր առմամբ, այս նշանակումը հնարավորություն է տալիս ավելի լայն միջազգային հարթակներում ներկայացնելու տարածաշրջանի մասնագիտական փորձը և մասնակցելու գլոբալ ստանդարտների ձևավորմանը։ Այն բարձրացնում է վստահությունն IDBank-ի նկատմամբ և միջազգային միջավայրում առավել տեսանելի է դարձնում Հայաստանի ֆինանսական ոլորտում կիրառվող ժամանակակից ու մրցունակ մոտեցումները։
ԲԱՆԿԸ ՎԵՐԱՀՍԿՎՈՒՄ Է ՀՀ ԿԲ ԿՈՂՄԻՑ
