Աշոտյանը իր բանտախցից բերած մոմը վառեց ԱԺ ամբիոնի մոտ․ ՏԵՍԱՆՅՈՒԹ

«Քաղաքական բանտարկյալների ազատության համար կարևորագույն գործիքը կոչվում է «նեյմինգ-շեյմինգ», այսինքն, տալիս ես մեղավորի անունը ու այդ մարդուն խայտառակ ես անում»,- այս մասին ԱԺ-ում հրավիրված լսումների ժամանակ հայտարարեց Հայաստանի Հանրապետական կուսակցության փոխնախագահ Արմեն Աշոտյանը։

«Մենք ֆիքսվել ենք Նիկոլ Փաշինյանի վրա։ Իհարկե, ինքն է «մայր մեղուն» այս ամեն ինչի, այս քըխ վիճակի։ Իսկ այդ դանոսները ո՞վ է գրել, այդ քննիչները ո՞վ են, այդ դատախազները ո՞վ են, դրանց անունները պիտի տրվի։ Այդ «նեյմինգ-շեյմինգը», այսինքն, ասել՝ ամեն գործով քննիչների անունը, ովքեր սխալ բան են անում, ասել՝ ամեն գործով դատախազների անունը, որոնք ապօրինի բան են անում, թե չէ ֆիքսվել ենք, լավ, մեր մաքսիմումը դատավորն է, մեկ էլ գլխավոր դատախազը, բա այն արանքի «մուրավեյնիկը» չկա՞, իրենք մեղք չունե՞ն, որ համաձայնվել են անել քաղաքական պատվեր, ուրիշի ընտանիքի հաշվի պահել սեփական ընտանիքը, ուրիշի ընտանիքը քանդելու, թիրախավորելու հաշվին»,- նշեց նա։

Աշոտյանը նաև իր հետ մի մոմ էր բերել, որն ասաց՝ ավելի վաղ իր բանտախցում է վառել։

«Երբ որ նստած էի բանտախցում, մի երկրպագու, այսպես ասած, ինձ Երուսաղեմից մոմ էր բերել։ Ընդունված չէ բանտախցից «վեշ» տանելը, բացի անձնական իրերից։ Այս մոմի կեսը ես եմ վառել իմ բանտախցում և սա պահել եմ, հետս բերել էի։ Այսօր վառում եմ այս մոմը այս մարդկանց ազատության և մեր երկրի ազատագրման համար։ Ավելի լավ է վառենք մեկ մոմ, քան հավերժ անիծենք անցյալը։

Ազատություն բոլոր քաղբանտարկյալներին»,- ասաց Աշոտյանը։

Մանրամասները՝ տեսանյութում։