29.07.2026 | 15:30
Տոկիոյի Օլիմպիական խաղերի մասնակիցն անհետ կորել է Բրազիլիայում
ՀԱՊԿ որոշումներին չենք մասնակցում և չենք խոչընդոտում փաստաթղթերի ընդունմանը․ ԱԳ փոխնախարար․ ՏԵՍԱՆՅՈՒԹ
Քաղաքականություն
26.11.2025 | 13:40
Հայաստանը շարունակում է սառեցված պահել ՀԱՊԿ-ին մասնակցությունը, բայց շարունակում է մնալ կառույցում և համաձայն է բոլոր փաստաթղթերի հետ, իսկ ԵՄ-ի հետ նմանատիպ համաձայնագիր է ստորագրվում, ինչպես է սա գնահատվում․ ԱԳ փոխնախարար Մնացական Սաֆարյանին ԱԺ-ում ճեպազրույցի ժամանակ նման հարց ուղղեց լրագրողներից մեկը։
«Պետք չի կապել այս երկու գործընթացները կամ դրվագները իրար հետ։ ՀԱՊԿ-ի հետ կապված Հայաստանի ձևաչափը և քաղաքականությունը հայտարարվել է։ Մենք դրա մասին արդեն որոշ ժամանակ առաջ հայտարարել ենք։ Ինչպես դուք նշեցիք, չենք մասնակցում, բայց չենք խոչընդոտում որոշումների, փաստաթղթերի ընդունմանը։ Իսկ այս համաձայնագիրը ես չէի կապի որևէ կերպ այլ ինչ-որ գործողությունների հետ Հայաստանի՝ դիվանագիտական կամ քաղաքական»,- ասաց Սաֆարյանը։
Հարցին, թե այդ դեպքում ի՞նչն է խանգարում դուրս գալ կառույցից, Սաֆարյանն արձագանքեց․ «Այս փուլում մեր քաղաքականությունը այսպիսին է։ Ես հավելում չէի անի դրա մասին։ Եթե հավելյալ դիրքորոշումներ կամ քայլեր լինեն, մենք դրա մասին կտեղեկացնենք»։
Մանրամասները՝ տեսանյութում։
