31.10.2026 | 10:43
Հայաստանի չեմպիոնը հաղթական խաղով է ավարտել պայքարը ֆուտզալի Չեմպիոնների լիգայում. ՏԵՍԱՆՅՈՒԹ
Բռնության ենթարկված դերասանուհու նախկին ամուսինը կալանավորվել է
Հասարակություն
25.11.2025 | 19:50
«Ազիզյաններ» սիթքոմից հայտնի դարձած դերասանուհի Մարի Պետրոսյանի նախկին ամուսինը կալանավորվել է։ Քննչական կոմիտեից FactorTV-ին հայտնեցին, որ քրեական վարույթի նախաքննության ընթացքում անձի նկատմամբ հարուցվել է հանրային քրեական հետապնդում՝ Քրեական օրենսգրքի 195-րդ հոդվածի 2-րդ մասի 6-րդ կետով (ֆիզիկական ներգործությունը) և 194-րդ հոդվածի 2-րդ մասի 4-րդ կետով (հոգեկան ներգործությունը):
Հիշեցնենք՝ դերասանուհին երկու օր առաջ կարճ տեսանյութ էր հրապարակել, որտեղ ցույց էր տվել մարմինը՝ ամբողջովին կապտուկներով:
«Ոստիկանության՝ ժամանակին ու ճիշտ գործողությունների շնորհիվ ամեն ինչ արագ կարգավորվեց։ Հանցագործությունը կատարած անձը հիմա կրում է օրենքով նախատեսված պատիժը։
Բոլոր գործընթացները կատարվել են օրենքի համաձայն, և ոստիկանության, դատախազության ու դատարանի արագ արձագանքի շնորհիվ ես այսօր առողջ եմ ու իմ երեխաների հետ՝ ապահով ու խաղաղ միջավայրում»,- ֆեյսբուքյան էջում գրել էր նա։
Ռոզա Վարդանյան
