10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
Ովքեր են Ֆիրդուսի շուկայի տարածքի սեփականատերերը. առայժմ հայտնի է միայն տարածքը իրացնող ընկերության անունը
Հասարակություն
19.07.2017 | 15:15
Ֆիրդուսի շուկայի՝ գերակա շահ ճանաչված տարածքում ապամոնտաժման աշխատանքներ է իրականացնում «ՍԻԹԻ ՍԵՆԹՐ ԴԻՎԵԼԸՓՄԵՆԹ» ընկերությունը։
Հիշեցնենք, որ մինչ այս փորձում էինք պարզել, թե որ ընկերությունը, կամ ընկերություններն են հանդիսանում տարածքի ներդրողները: Այդ տեղեկությունը, սակայն, թե՛ քաղաքապետարանից, թե Կառավարությունից, և թե՛ Կառավարությանն առնթեր Քաղաքաշինության պետական կոմիտեից պարզել չհաջողվեց։ Ի վերջո` մենք դիմեցինք վարչապետի գլխավոր խորհրդական Հայկ Դավթյանին, ով մեզ հետ զրույցում նշեց ընկերության անունը:
«Տարածքը հանրային շահ է ճանաչված, գերակա հանրային շահ ճանաչված տարածքով զբաղվող կազմակերպություն է, մի մասը ձեռք է բերել, մյուս մասը ձեռք է բերում, պրոցես է դա»,- ներկայացրեց Դավթյանը։
Մեր զրուցակցի խոսքով՝ առաջիկայում 19 ընկերություն պետք է ի հայտ գա, որոնք էլ ներդրումներ կիրականացնեն:
«Տարածքը 19 լոտերի է բաժանված։ Պիտի ներգրավենք ներդրողներին, որպեսզի գան ներդրումներ անեն, ճանապարհները սարքեն և այլն։ Քանի որ գերակա հանրային շահ է ճանաչված այդ տարածքը, դա ձեռք բերող կազմակերպությունը պետք է քաղաքացիներին վճարի հատուցումներ, տրամադրի բնակարաններ։ Մի մասն արդեն տրամադրել է, մյուս մասը տրամադրման փուլում է, պրոցես է։ Պետք է լինի այդ ամենը, նոր 19 ընկերություն ներգրավենք, ամեն մեկն իր ներդրումային ծրագիրն իրականացնի»,- ասաց Դավթյանը։
Սեդա Ղուկասյան
