30.10.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Վարչապետի գլխավորությամբ քննարկվել են հարկային քաղաքականությանն առնչվող հայեցակարգային հարցեր
Քաղաքականություն
24.11.2025 | 19:56
Վարչապետ Նիկոլ Փաշինյանի ղեկավարությամբ տեղի ունեցած խորհրդակցությունում քննարկվել են առաջիկա տարիների հարկային քաղաքականության բարելավման ուղղությամբ նախատեսվող հիմնական գաղափարներն ու հնարավոր բարեփոխումները, որոնք միտված են պարզեցնել հարկային վարչարարությունը և բարձրացնել համակարգի արդյունավետությունը։ Այս մասին տեղեկացնում են Կառավարության մամուլի ծառայությունից։
«Քննարկման առարկա են եղել հարկային ոլորտի բարելավմանն ուղղված միջոցառումները, որոնք կնպաստեն հարկային քաղաքականության լավարկման ու հարկային վարչարարության դյուրացմանը: Մանրամասներ են ներկայացվել առանձին հարկատեսակների գծով առաջարկվող բարեփոխումների և ակնկալվող արդյունքային ցուցանիշների վերաբերյալ:
Ընդգծելով ոլորտի շարունակական բարելավման կարևորությունը՝ վարչապետը հանձնարարել է շարունակել հայեցակարգային վերլուծությունները և ներկայացնել համապատասխան առաջարկություններ»,- ասված է հաղորդագրությունում:
