22.02.2026 | 22:33
Ձմեռային Օլիմպիական խաղերի մեդալային հաշվարկում Նորվեգիան հաղթեց ռեկորդով
Կյանքից հեռացել է բռնցքամարտիկ Վանես Մարտիրոսյանը
24.11.2025 | 10:53
39 տարեկանում կյանքից հեռացել է ամերիկահայ պրոֆեսիոնալ բռնցքամարտիկ Վանես Մարտիրոսյանը, հաղորդում է Ringmagazine-ը։
Վերջին տարիներին Մարտիրոսյանը պայքարում էր տափակ բջջային քաղցկեղի հազվագյուտ և ագրեսիվ ձևի դեմ։
Վանես Մարտիրոսյանը վերջին պրոֆեսիոնալ մենամարտն անցկացրել է 2018 թվականին՝ ղազախ լեգենդար բռնցքամարտիկ Գենադի Գոլովկինի դեմ։ Պրոֆեսիոնալ ռինգում հայ բռնցքամարտիկն անցկացրել է 41 մենամարտ, տարել 36 հաղթանակ, կրել 4 պարտություն ու գրանցել 1 ոչ-ոքի։
Վանես Մարտիրոսյանը ծնվել է Էջմիածնում։ Ընտանիքն ԱՄՆ է տեղափոխվել, երբ նա 4 տարեկան էր։ Եղել է ԱՄՆ-ի օլիմպիական հավաքականի անդամ և մասնակցել 2004թ․ Աթենքի Օլիմպիական խաղերին։ Մեկ տարի անց նա սկսել է պրոֆեսիոնալ բռնցքամարտիկի կարիերա՝ մեկնարկային 34 մենամարտում մնալով անպարտելի։
