09.06.2026 | 14:24
Աֆրիկայի լավագույն մրցավարը չի ստացել ԱՄՆ մուտքի վիզա ու չի սպասարկի ԱԱ-2026-ի խաղերը
Ըստ ձեր վերաբերմունքի եմ աշխատանքը գնահատելու. Տիգրան Ավինյանը` վարչական շրջանների ղեկավարներին․ ՏԵՍԱՆՅՈՒԹ
Քաղաքականություն
24.11.2025 | 10:40
«Սկսել եմ անակնկալ այցերով գնալ վարչական շրջաններ»,- այս մասին Երևանի քաղաքապետարանի գործակարգավարական խորհրդակցության ժամանակ հայտարարեց Երևանի քաղաքապետ Տիգրան Ավինյանը։
Նա հայտնեց, որ արդեն եղել է 2 վարչական շրջաններում, տեսել է խնդիրներ, որոնք կապված են ոչ թե քաղաքապետարանի նախագծերի, այլ առօրյա անելիքների հետ։
«Օրինակ, աղբահանության կամ սանմաքրման հարցերը, որոնք «ռուտին» հարցեր են, բայց դրանք էն հարցերն են, որտեղ որ առհասարակ մենք պետք է անթերի գործենք։ Եվ հարցը մի կողմից պետք է, իհարկե, հասկանանք՝ վարչարարական առումով ունե՞նք խնդիրներ, թե՞ չունենք, և կհասկանանք։
Մյուս կողմից էլ պետք է հասկանանք՝ ռեսուրսի խնդիր ունե՞նք, թե՞ չունենք։ Ճիշտ գնահատենք էլի։ Այսինքն, պահանջենք էն ծավալով, ինչքան էլ ռեսուրս ենք տվել և ռեսուրսը տանք ամբողջական։ Եվ ես կարծում եմ՝ ամբողջ իմաստը վարչական շրջաններին էդ ռեսուրսը տալու կայանում էր նրանում, որ մենք խնդիրը լուծենք, ոչ թե կիսալուծենք։ Սա առաջին հատվածը»,-նշեց նա։
Ավինյանը ընդգծեց՝ քաղաքապետարանի նախագծերի իրականացման ընթացքում էական թերություններ է նկատել։
«Պահանջում եմ ուղղակի, որ վարչական շրջանների ղեկավարները էդ նախագծերին վերաբերվեն որպես սեփական, իրենց տանն արվող նախագծերին։ Ես բացառում եմ, որ ինչ-որ մեկը իր սեփական տանը թույլ տա, որ, չգիտեմ, աթոռը տենց կիսաճոճ լինի կամ քարը ծուռ դրած լինի։ Հետևապես, սա ձեր տան նախագծերն են։ Եվ ես էլ ձեր աշխատանքը գնահատելու եմ ըստ ձեր վերաբերմունքի»,-ասաց քաղաքապետը։
Մանրամասները՝ տեսանյութում։
