30.10.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Պապոյանը ՌԴ դեսպանի հետ քննարկել է տնտեսական համագործակցության ընդլայնումն ու նոր նախաձեռնությունները
Տնտեսություն
21.11.2025 | 20:49
Էկոնոմիկայի նախարար Գևորգ Պապոյանը նոյեմբերի 21-ին հանդիպել է Հայաստանում ՌԴ դեսպան Սերգեյ Կոպիրկինի գլխավորած պատվիրակությանը․ կողմերը քննարկել են առևտրաշրջանառության մեծացման, ագրոարդյունաբերության ոլորտում համագործակցության խորացման, արտահանումների անխափան կազմակերպման և զբոսաշրջային կապերի ընդլայնման հնարավորությունները։ Այս մասին տեղեկացնում են ՀՀ էկոնոմիկայի նախարարությունից։
«Հանդիպման ընթացքում քննարկվել է ՌԴ-ի հետ տնտեսական հարաբերությունների ընդլայնմանն ու երկու երկրների միջև առևտրաշրջանառության ավելացմանն առնչվող հարցերի լայն շրջանակ։
Առանձին անդրադարձ է կատարվել ագրոարդյունաբերության ոլորտում փոխգործակցության, գյուղատնտեսական արտադրանքի անխափան արտահանումների կազմակերպման, համատեղ ձեռնարկությունների ստեղծման, բուսասանիտարիայի ոլորտում փորձի փոխանակման հնարավորություններին։
Առավել հեռանկարային ուղղությունների թվում կարևորվել է նաև զբոսաշրջության ոլորտում հարաբերությունների խորացումը»,- ասված է հաղորդագրությունում։
