12.01.2026 | 01:05
«Բարսելոնան» հաղթեց «Ռեալին» ու դարձավ Իսպանիայի սուպերգավաթակիր․ ՏԵՍԱՆՅՈՒԹ
«Սկսեցին խնդիրներ ի հայտ գալ»․ Սերբիայում գնահատել են Թիկնիզյանի խաղը
21.11.2025 | 17:20
Mozzart Sport-ի սերբ լրագրող Դեյան Ստանկովիչը խոսել է Հայաստանի ազգային հավաքականի պաշտպան Նաիր Թիկնիզյանի՝ սերբական «Ցրվենա Զվեզդայում» ցուցադրած խաղի մասին։ 26-ամյա ֆուտբոլիստն այս տարվա ամռանն էր Մոսկվայի «Լոկոմոտիվից» տեղափոխվել «Ցրվենա Զվեզդա», որը 1,7 միլիոն եվրո է վճարել տրանսֆերի համար։
«Երբ Թիկնիզյանը նոր էր տեղափոխվել «Ցրվենա», բոլորը հիացած էին նրանով։ Նա իրոք շատ լավն էր՝ հատկապես հարձակման մեջ։ Միշտ միտված էր դարպասին, միշտ սրում էր խաղը, կատարում էր ներխուժումներ։ Բայց ժամանակի ընթացքում որոշ խնդիրներ սկսեցին ի հայտ գալ՝ հատկապես եվրագավաթային խաղերում ավելի ուժեղ մրցակիցների դեմ։ Քանի որ Սերբիայում լուրջ դիմադրություն ու մրցակցություն չկա։
Եվրագավաթներում Թիկնիզյանը շատ մեծ տարածություն է թողնում իր թիկունքում, ինչից էլ օգտվում են մրցակիցները։ Եվ դա խնդիր է։ Սակայն նա միևնույն է մնում է իր դիրքի լավագույն խաղացողը «Ցրվենայում»։ Թեպետ այժմ Թիկնիզյանի խաղից տպավորություններն ավելի թույլ են, քան սկզբում, բայց լուրջ խնդիրներ նա չունի։ Հանրությունը հաստատ նրա դեմ չէ»,- ասել է լրագրողը Legalbet-ի թղթակցի հետ զրույցում։
Ընթացիկ մրցաշրջանում Նաիր Թիկնիզյանը սերբական ակումբի կազմում անցկացրել է 18 հանդիպում ու կատարել մեկ գոլային փոխանցում։ Նրա պայմանագրի ժամկետը նախատեսված է մինչև 2028թ․ ամառ։
