07.09.2026 | 14:59
Պեսկովը հայտնել է Փաշինյան-Պուտին հանդիպման օրակարգը
Պաշտոնապես ոչինչ չենք ստացել․ Պեսկովը՝ Թրամփի խաղաղության ծրագրի մասին
Քաղաքականություն
21.11.2025 | 18:32
Կրեմլը պատրաստ է բանակցություններ վարել Ուկրաինայի հետ պատերազմի ավարտի շուրջ, բայց դեռևս որևէ խաղաղության ծրագիր չի քննարկում։ Այս մասին ասել է ՌԴ նախագահի խոսնակ Դմիտրի Պեսկովը, փոխանցում է Meduza-ն։
«Ամերիկյան կողմից կան որոշակի նկատառումներ, բայց ներկայում որևէ առարկայական բան չի քննարկվում։ Մենք տեսնում ենք որոշ նորամուծություններ, բայց պաշտոնապես ոչինչ չենք ստացել, և այդ կետերի վերաբերյալ առարկայական քննարկում չի եղել»,- լրագրողներին ասել է Պեսկովը։
Հարցին՝ որքանո՞վ են Ռուսաստանի համար ընդունելի ԱՄՆ նախագահի խաղաղության ծրագրի դրույթները, Կրեմլի խոսնակը պատասխանել է․ «Մենք բաց ենք խաղաղության բանակցությունների համար՝ հաջող խաղաղության բանակցությունների, այլ ոչ թե գործընթացի համար։ Մենք ցանկանում ենք, որ այդ խաղաղության բանակցությունները հաջող լինեն, և մենք պատրաստ չենք դա քննարկել մեգաֆոնային ռեժիմում»։
Հավելենք, որ միջազգային լրատվամիջոցների կողմից հայտարարված Ուկրաինայում խաղաղության ծրագիրը, որը մշակվել է ԱՄՆ-ի կողմից, ավելի վաղ հրապարակվել էր Ուկրաինայի Գերագույն ռադայի պատգամավոր Ալեքսեյ Գոնչարենկոյի կողմից։
Թարգմանությունը՝ Էմմա Չոբանյանի
