05.09.2026 | 17:31
1,4 միլիոն ֆայլ․ հաքերները հրապարակել են Բեռլինի Սենատից գողացված տվյալները
16 տարեկանի չհասած անձի արարքը հանցագործություն չի կարող որակվել․ փոխնախարարը՝ օրենքի նախագծի մասին․ ՏԵՍԱՆՅՈՒԹ
Հասարակություն
21.11.2025 | 17:05
Քրեական դատավարության օրենսգրքում քրեական հետապնդումը բացառող հանգամանքներում պետք է ներառվի 16 տարեկանի չհասած անձի նկատմամբ քրեական հետապնդում հարուցելու վերաբերյալ արգելքը։ Նախագիծը ԱԺ պետաիրավական հանձնաժողովում ներկայացրել է արդարադատության նախարարի տեղակալ Գևորգ Քոչարյանը։
Փոփոխությունը կատարվում է Սահմանադրական դատարանի կայացրած որոշումից հետո։
«ՍԴ-ն արձանագրել է, որ քրեական պատասխանատվության տարիքի չհասած անձի նկատմամբ քրեական հետապնդումն արգելված է քրեական օրենքով։ Իսկ քրեադատավարական օրենքը պետք է ամրագրի բացառապես վարույթային կարգավորումներ՝ չհակասելով նյութական օրենքին, այսինքն՝ քրեական օրենսգրքին»,-նշեց նա։
Մեկ այլ փոփոխությամբ էլ առաջարկվում է դատարանի վերջնական որոշումները (օրինակ՝ կալանքի մասին) ենթարկվել «բացառիկ վերանայման», եթե ի հայտ գան նոր և կարևոր հանգամանքներ արդեն ուժի մեջ մտած որոշուման վերաբերյալ։
Մանրամասները՝ տեսանյութում։
