09.06.2026 | 14:35
Պուտինը կշնորհավորի՞ Փաշինյանին․ մանրամասնում է Կրեմլի խոսնակը
Ուկրաինայի ընդդիմությունն արգելափակել է Ռադայի ամբիոնը. նախարարների պաշտոնանկության վերաբերյալ քվեարկությունը խափանվել է
Քաղաքականություն
18.11.2025 | 20:56
Ուկրաինայի Գերագույն ռադան չի կարողացել քվեարկել արդարադատության նախարար Գերման Գալուշչենկոյի և էներգետիկայի նախարար Սվետլանա Գրինչուկի հրաժարականի հարցով, քանի որ ընդդիմադիր «Եվրոպական համերաշխություն» կուսակցության խմբակցության ներկայացուցիչներն արգելափակել են խորհրդարանի ամբիոնը, գրում է DW-ի ռուսական ծառայությունը։
Նիստի օրակարգում միայն Գալուշչենկոյի և Գրինչուկի հրաժարականի հարցն է եղել։ Սակայն «Եվրոպական համերաշխության» ներկայացուցիչները պահանջել են վարչապետ Յուլիա Սվիրիդենկոյի ամբողջական կառավարության հրաժարականը, այլ ոչ միայն երկու նախարարների։ Դրանից հետո Գերագույն ռադայի խոսնակ Ռուսլան Ստեֆանչուկը փակել է նիստը։
Գալուշչենկոն ազատվել է Ուկրաինայի արդարադատության նախարարի պաշտոնից նոյեմբերի 12-ին՝ «Էներգոատոմ»-ում կոռուպցիայի վերաբերյալ աղմկահարույց հետաքննության ֆոնին։ Սվետլանա Գրինչուկը հրաժարական է տվել նույն օրը։
Նախօրեին Ուկրաինայի նախկին նախագահ, «Եվրոպական համերաշխություն» կուսակցության ղեկավար Պյոտր Պորոշենկոն Ուկրաինայի կառավարության հրաժարականի կոչ էր արել։ Այն, որ միայն երկու նախարար է կորցրել պաշտոնները, նա անվանել էր ծաղր՝ հավելելով, որ «հրապարակված ձայնագրություններում հիշատակվում են առնվազն հինգ պաշտոնյաների անուններ»։
Թարգմանությունը՝ Էմմա Չոբանյանի
