02.10.2026 | 15:27
«Ոնց որ մի հատ կինո․ երեք անչափահաս ունեմ, մեկը չի ասել, որ թուրքի դիրքից մարդ ա փախել»․ Շաքիի բնակիչ․ ՏԵՍԱՆՅՈՒԹ
Շոյգուին ծրագրել են պայթեցնել գերեզմանատանը․ մահափորձը նրա դեմ է ծրագրվել
Քաղաքականություն
18.11.2025 | 15:57
Ուկրաինական հետախուզական ծառայությունների առաջադրանքով՝ դիվերսանտների խումբը մահափորձ է պատրաստել Ռուսաստանի Անվտանգության խորհրդի քարտուղար Սերգեյ Շոյգուի դեմ։ Այս մասին հայտնում է Московский комсомолец-ը։
Լրատվամիջոցի տվյալներով՝ դիվերսանտները ծրագրել են մահափորձն իրականացնել, Շոյգուն պետք է այցելեր Մոսկվայի Տրոեկուրովսկոյե գերեզմանատանը գտնվող իր հարազատների թաղման վայր։
Նոյեմբերի 14-ին ԱԴԾ-ն հայտնել էր, որ հաջողվել է կանխել ահաբեկչական հարձակում, որի հետևանքով պետք է զոհվեր «ռուսական պետության բարձրաստիճան պաշտոնյաներից մեկը»։ Ծրագիրը նախատեսում էր պայթյուն իրականացնել Մոսկվայի գերեզմանատանը։
ԱԴԾ-ն նշել է, թե Ուկրաինայի հետախուզական ծառայությունները փորձել են կազմակերպել մահափորձը՝ օգտագործելով Կենտրոնական Ասիայից հավաքագրված անօրինական միգրանտի, նախկինում դատապարտված, թմրամոլությամբ տառապող Ռուսաստանի երկու քաղաքացիների և «Կիևում բնակվող Ջալոլիդին Շամսովին, որին Ռուսաստանի իրավապահ մարմինները հետախուզում են սպանության և զենքի ապօրինի շրջանառության համար»։
Թարգմանությունը՝ Էմմա Չոբանյանի
