06.04.2026 | 19:10
Աշխարհի գավաթ․ Արթուր Դավթյանը՝ ոսկե մեդալակիր․ ՏԵՍԱՆՅՈՒԹ
ՌԴ ԱԴԾ-ն հայտնել է բարձրաստիճան պաշտոնյայի դեմ մահափորձ կանխելու մասին․ ծրագրել են նրան պայթեցնել գերեզմանատանը
Քաղաքականություն
14.11.2025 | 17:05
ՌԴ ԱԴԾ-ն հայտարարել է, որ հաջողվել է կանխել ահաբեկչական հարձակում, որի հետևանքով պետք է զոհվեր «ռուսական պետության բարձրաստիճան պաշտոնյաներից մեկը», գրում է Meduza-ն։
Ծառայության հասարակայնության հետ կապերի կենտրոնի տարածած հայտարարության մեջ նշվում է, որ նախատեսվում էր պայթեցնել պաշտոնյային՝ «մինչ նա այցելում էր Մոսկվայի Տրոեկուրովսկոյե գերեզմանատանը գտնվող մերձավոր ազգականների հուղարկավորման վայր»։
ԱԴԾ-ն նշում է, թե Ուկրաինայի հետախուզական ծառայությունները փորձել են կազմակերպել մահափորձը՝ օգտագործելով Կենտրոնական Ասիայից հավաքագրված անօրինական միգրանտի, նախկինում դատապարտված, թմրամոլությամբ տառապող Ռուսաստանի երկու քաղաքացիների և «Կիևում բնակվող Ջալոլիդին Շամսովին, որին Ռուսաստանի իրավապահ մարմինները հետախուզում են սպանության և զենքի ապօրինի շրջանառության համար»։
Կենտրոնական Ասիայի և Ռուսաստանի քաղաքացիները ձերբակալվել են։ ԱԴԾ-ն հայտարարել է, որ խուզարկությունների ժամանակ առգրավվել են նրանց կապի սարքերը, որոնք բացահայտել են «հաղորդագրությունների փոխանակում ուկրաինացի հետախուզության աշխատակցի հետ, որը հաստատում է սպանության դավադրությունը»։
Ռուսական կողմը պնդում է, թե հայտնաբերել է «ծաղկամանում քողարկված տեսահսկման խցիկ, որը կարող էր հեռակառավարվել և տվյալներ փոխանցել արտասահման, և որն օգտագործվում էր դիվերսիա և ահաբեկչական հարձակում նախապատրաստելու համար»։
Չի հաղորդվում, թե ում դեմ է նախապատրաստվել ենթադրյալ մահափորձը։
Թարգմանությունը՝ Էմմա Չոբանյանի
