13.01.2026 | 16:57
Քննարկվել է ԲՏԱ նախարարության 2025 թ․ գործունեության հաշվետվությունը
Հայտնի է՝ երբ «Բարսելոնան» կվերադառնա «Կամպ Նոու» ստադիոն
18.11.2025 | 15:49
Կատալոնական «Բարսելոնան» 2,5 տարվա ընդմիջումից հետո վերադառնում է վերակառուցված «Սփոթիֆայ Կամպ Նոու» ստադիոն, հաղորդում է ակումբի մամուլի ծառայությունը։
Ստադիոնը պաշտոնապես կվերաբացվի նոյեմբերի 22-ին, երբ «Բարսելոնան» Իսպանիայի առաջնության 13-րդ տուրի խաղում կընդունի Բիլբաոյի «Աթլետիկին»։ Այդ հանդիպմանը կարող է ներկա լինել 45,401 երկրպագու, թեև ստադիոնը հյուրընկալում է շուրջ 100 հազար հանդիսական։
Կատալոնական ակումբը նախորդ անգամ սեփական ստադիոնում խաղացել է 2023թ․ մայիսի 28-ին։ Վերջին շրջանում «Բարսելոնան» տնային հանդիպումներն անցկացնում էր Բարսելոնայի Օլիմպիական ստադիոնում։
Իսպանիայի առաջնության 12-րդ տուրից հետո Հանսի Ֆլիկի գլխավորած թիմը 28 միավորով երկրորդ տեղում է և 3 միավոր է զիջում առաջատար Մադրիդի «Ռեալին»։
