12.01.2026 | 12:53
Բոլորը պահանջում են արդարություն ու արդարադատություն, իսկ ի՞նչ են դրանք․ Նիկոլ Փաշինյան․ ՏԵՍԱՆՅՈՒԹ
Էդուարդ Սպերցյան․ Ֆուտբոլում այսպես էլ է լինում
18.11.2025 | 11:57
Հայաստանի ազգային հավաքականի ավագ Էդուարդ Սպերցյանն անդրադարձել է ԱԱ-2026-ի եվրոպական գոտու ընտրական մրցաշարի վերջին տուրի խաղում Պորտուգալիայից կրած 1:9 հաշվով պարտությանը։
«Ֆուտբոլում այսպես էլ է լինում։ Սակայն այսպիսի հանդիպումները մեզ ավելի շատ մոտիվացիա են տալիս աճի համար։ Մենք չենք հանձնվում և շարունակում ենք աշխատել։ Ամեն ինչ առջևում է։ Շնորհակալություն բոլորին, ովքեր աջակցում էին և զորակցում»,- տելեգրամյան ալիքում գրել է ռուսական «Կրասնոդարի» կիսապաշտպանը։
Հիշեցնենք, որ այդ խաղում Էդուարդ Սպերցյանը Հայաստանի հավաքականում գոլերի թիվը հասցրել էր 11-ի։ Ազգային թիմի պատմության լավագույն ռմբարկուների ցուցակում 25-ամյա կիսապաշտպանը հավասարվել էր կարիերան ավարտած Արթուր Պետրոսյանին և Մարկոս Պիզելիին, որոնց հետ բաժանում է 4-6-րդ տեղերը։
