06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Հայաստանի հավաքականը կրկնեց երկրորդ ամենախոշոր հաշվով պարտությունը
16.11.2025 | 21:18
Ֆուտբոլի Հայաստանի ազգային հավաքականը 2026թ․ աշխարհի առաջնության եվրոպական գոտու ընտրական մրցաշարի F խմբի վերջին տուրում 1։9 հաշվով պարտվեց Պորտուգալիայի թիմին՝ կրկնելով երկրորդ ամենախոշոր հաշվով պարտությունն իր պատմության մեջ։
Եվրո-2020-ի ընտրական փուլում հայ ֆուտբոլիստները մրցակցի խաղադաշտում նույն հաշվով պարտվել էին նաև իտալացիներին։ Այդ հանդիպումը կայացել էր 2019թ․ նոյեմբերի 18-ին Պալերմոյում։
Հայաստանի հավաքականն ամենախոշոր պարտությունը կրել է 2022թ․ մարտի 29-ին՝ ընկերական խաղում 0։9 հաշվով զիջելով Նորվեգիայի հավաքականին։
Հիշեցնենք, որ ԱԱ-2026-ի ընտրական փուլի 6 խաղում Եղիշե Մելիքյանի գլխավորած թիմը կրեց 5 պարտություն, տարավ 1 հաղթանակ ու 3 միավորով եզրափակեց մրցաշարային աղյուսակը։ F խմբում 13 միավորով հաղթեց Պորտուգալիայի հավաքականը՝ նվաճելով աշխարհի առաջնության եզրափակիչ փուլի ուղեգիր։ Իռլանդիայի հավաքականը 10 միավորով գրավեց երկրորդ տեղը և դուրս եկավ անցումային փլեյ-օֆֆ, իսկ հունգարացիները 7 միավորով երրորդն էին։
Լուսանկարը՝ ՈՒԵՖԱ-ի։
