16.03.2026 | 17:09
Փաշինյանին միացած արքեպիսկոպոսը հրաժարվել է թեմի առաջնորդ լինելուց
Քվեաթերթիկների քանակը, ըստ մասնակցող ուժերի, տարբեր է. «Թաթոյան» հիմնադրամի արձանագրած խախտումները՝ 11։00-ի դրությամբ
16.11.2025 | 12:17
14/1 Քվեաթերթիկների քանակը, ըստ մասնակցող ուժերի, տարբեր է։ Այս մասին հայտնել է Վաղարշապատում դիտորդություն իրականացնող«Թաթոյան» հիմնադրամը: Ժամը 11-ի դրությամբ դիտորդների արձանագրած խախտումները հետևյալն են.
14/07 Քվեաթերթիկների քանակը, ըստ մասնակցող ուժերի, տարբեր է,
14/07 Սարքի արտահանած կտրոնի թիվը և մատյանի թիվը չեն համապատասխանում, այնուամենայնիվ թույլատրվեց ընտրել,
14/13 Քվեաթերթիկների քանակը, ըստ մասնակցող ուժերի, տարբեր է։ Ըստ հանձնաժողովի անդամի բացատրության՝ առանձին չեն հաշվել յուրաքանչյուր խմբաքանակը,
14/13 Սարքը չի ճանաչել անձը հաստատող փաստաթուղթը, երկու անձի մասով տվյալները վերաբերել են մահացած, ընտրողի հասցեում գրանցված այլ անձանց։
Հիշեցնենք, որ Վաղարշապատում այսօր ավագանու ընտրություններ են: Առավոտյան ժամը 8:00-ից բացվել են գործող բոլոր ընտրատեղամասերը. ընտրողները քվեարկել կարող են մինչև ժամը 20:00-ն:
Վաղարշապատի ՏԻՄ ընտրություններին գրանցվել են հետևյալ քաղաքական ուժերը՝ «Հայրենիք» կուսակցություն, «Հաղթանակ» կուսակցությունների դաշինք՝ «Առաջ» և ՀՅԴ կուսակցություններով, «Քաղաքացիական պայմանագիրը», «Ազատ դեմոկրատները», «Մայր Հայաստան» ազգային-դեմոկրատական, «Ժառանգություն», «Հանրապետություն», «Համահայկական ճակատ» կուսակցությունները:
