27.03.2026 | 13:43
Օդի ջերմաստիճանը կբարձրանա
Իռլանդիայի հավաքականի մարզիչը պատմել է, թե ինչ է խոսել Ռոնալդուի հետ կարմիր քարտից հետո
14.11.2025 | 17:31
Իռլանդիայի հավաքականի գլխավոր մարզիչ Հեյմիր Հադլգրիմսոնը պատմել է, թե ԱԱ-2026-ի եվրոպական գոտու ընտրական մրցաշարի նախավերջին տուրի խաղի ընթացքում ինչ է խոսել Պորտուգալիայի հավաքականի ավագ Կրիշտիանու Ռոնալդուի հետ, որը 61-րդ րոպեին կարմիր քարտ էր ստացել մրցակցին արմունկով հարվածելու համար։
«Նա պարզապես ասաց, որ ես շատ էի ճնշում գործադրում իր վրա, սակայն ինքն է գլխավորը։ Նա նաև հարցերց, թե արդյոք երջանիկ էի, որ ստացել էր կարմիր քարտ։ Ես ասացի, որ, իհարկե, երջանիկ եմ, քանի որ Պորտուգալիայի հավաքականի լավագույն ֆուտբոլիստը հեռանում է։ Սակայն ես մեղավոր չէի, նա էր միակ մեղավորն այդ դրվագում»,- հետխաղային ասուլիսում ասել է Հադլգրիմսոնը։
Հիշեցնենք, որ դա 40-ամյա Ռոնալդուի կարիերայի առաջին կարմիր քարտն էր Պորտուգալիայի հավաքականում, որի կազմում անցկացրել է 226 հանդիպումը։ Սաուդյան Արաբիայի «Ալ Նասրի» հարձակվողը բաց կթողնի Հայաստանի հավաքականի դեմ հաջորդ հանդիպումը, որը կկայանա նոյեմբերի 16-ին Պորտուի «Դրագաու» ստադիոնում։
F խմբի մրցաշարային աղյուսակը 10 միավորով գլխավորում են պորտուգալացիները։ Հունգարիայի հավաքականն ունի 8 միավոր, Իռլանդիան՝ 7, իսկ Եղիշե Մելիքյանի գլխավորած թիմը 3 միավորով խմբի հետնապահն է և կորցրել է հաջորդ փուլ դուրս գալու շանսերը։
