16.02.2026 | 11:03
ԲՏԱ նախարար Մխիթար Հայրապետյանի ասուլիսը՝ ՈՒՂԻՂ
Ռուսական հարվածից Կիևում Ադրբեջանի դեսպանատունը լուրջ վնասներ է կրել․ ՏԵՍԱՆՅՈՒԹ
Քաղաքականություն
14.11.2025 | 17:23
Նոյեմբերի լույս 14-ի գիշերը Կիևի վրա Ռուսաստանի բազմակոմբինացիոն ավիահարվածը զգալի վնաս է հասցրել Ուկրաինայում Ադրբեջանի դեսպանատանը։ Ադրբեջանական լրատվամիջոցները տեղից հայտնում են, որ հրթիռներից մեկն ընկել է դեսպանատան տարածքում՝ առաջացնելով մեծ փոս։ Դեսպանատան շենքի պատերը, այդ թվում՝ շենքը, զգալի վնաս են կրել։ Պատի մի մասը քանդվել է, պատուհանները կոտրվել են, իսկ դիվանագետների մեքենաները՝ վնասվել։
Վնասի չափը պարզելու համար դեպքի վայր են ժամանել նաև Ուկրաինայի համապատասխան գերատեսչությունների ներկայացուցիչներ։
Սա առաջին նմանատիպ միջադեպը չէ։ Ուկրաինայում Ադրբեջանի դեսպանատունը մի քանի անգամ վնասվել է Կիևին հասցված ավիահարվածներից։ Սակայն այս անգամ վնասը շատ ավելի մեծ և լուրջ է։ Հաղորդվում է, որ դեսպանատան աշխատակիցների շրջանում տուժածներ չկան։
Հիշեցնենք՝ ավելի վաղ Ուկրաինայի նախագահ Վլադիմիր Զելենսկին հայտնել էր, որ Ռուսաստանի կողմից Կիևի վրա գիշերային հարձակման ժամանակ «Իսկանդեր» հրթիռի բեկորները հարվածել են Ադրբեջանի դեսպանատան շենքին։
Թարգմանությունը՝ Էմմա Չոբանյանի
