12.01.2026 | 11:21
Իրանում ինտերնետը վերականգնելու համար Թրամփը կխոսի Իլոն Մասկի հետ
Վազգեն Սաղաթելյանը կալանավորվել է
Հասարակություն
14.11.2025 | 00:37
Դատարանը, Ռոման Սմբատյանի նախագահությամբ, բավարարել է քննիչի միջնորդությունն ու 2 ամիս ժամկետով կալանավորել «Իմնեմնիմի» փոդքասթը վարող Վազգեն Սաղաթելյանին։
«Դատարանի որոշումը սահմանված կարգով կբողոքարկվի վերաքննիչ դատարան»,- գրել է փաստաբան Արսեն Բաբայանը:
Հիշեցնենք՝ դիմակավորված անձինք այսօր վաղ առավոտյան մտել են «Իմնեմնիմի» փոդքասթը վարողներ Նարեկ Սամսոնյանի և Վազգեն Սաղաթելյանի բնակարաններ: Բնակարանում իրականացված խուզարկությունից հետո Սաղաթելյանը և Նարեկ Սոմսոնյանը ձերբակալվել էին:
Նշենք, որ գործը, որի շրջանակներում քննչական գործողություններ են իրականացվում, հարուցված է խուլիգանության հոդվածով: Ըստ նախնական տեղեկությունների՝ վարույթի նախաձեռնման առիթը Վազգեն Սաղաթելյանի ֆեյսբուքյան գրառումներից մեկն է, որում վիրավորական արտահայտություններ են հնչեցվել ԱԺ նախագահ Ալեն Սիմոնյանի և վարչապետ Նիկոլ Փաշինյանի հասցեին: Ապա Սամսոնյանն ու Սաղաթելյանը թեման շարունակել են նաև փոդքասթի շրջանակներում:
