06.04.2026 | 11:55
Անվտանգության խորհուրդը նիստ է հրավիրվել
Ձերբակալվել են «Իմնեմնիմի» փոդքասթի վարողներ Նարեկ Սամսոնյանն ու Վազգեն Սաղաթելյանը․ ՏԵՍԱՆՅՈՒԹ
Հասարակություն
13.11.2025 | 09:39
Դիմակավորված անձինք այսօր վաղ առավոտյան մտել են «Իմնեմնիմի» փոդքասթը վարողներ՝ Նարեկ Սամսոնյանի և Վազգեն Սաղաթելյանի բնակարաններ: Այս մասին հայտնում են փաստաբաններ Ռուբեն Մելիքյանը և Արսեն Բաբայանը:
Մելիքյանի փոխանցմամբ՝ Նարեկ Սամսոնյանին ձերբակալել ու տարել Քննչական կոմիտե: Արսեն Բաբայանն էլ հայտնում է, որ տևական ժամանակ է՝ Վազգեն Սաղաթելյանի տան դիմաց է, իրավապահները տեղյակ են եղել, որ դրսում փաստաբան կա, որը ցանկանում է ներկա գտնվել տանը կատարվող խուզարկությանը, սակայն իրեն ներս չեն թողնում: Բնակարանում իրականացված խուզարկությունից հետո Սաղաթելյանը նույնպես ձերբակալվել է:
Նշենք, որ գործը, որի շրջանակներում քննչական գործողություններ են իրականացվում, հարուցված է խուլիգանության հոդվածով:
Ըստ նախնական տեղեկությունների՝ վարույթի նախաձեռնման առիթը Վազգեն Սաղաթելյանի ֆեյսբուքյան գրառումներից մեկն է, որում վիրավորական արտահայտություններ են հնչեցվել ԱԺ նախագահ Ալեն Սիմոնյանի և վարչապետ Նիկոլ Փաշինյանի հասցեին: Ապա Սամսոնյանն ու Սաղաթելյանը թեման շարունակել են նաև փոդքասթի շրջանակներում:
Արաքս Մամուլյան
