26.10.2026 | 13:25
Հերի՛ք եղավ, կյանքներս կերան, թող գնան «սև ցուցակ», խզե՛լ պայմանագիրը․ Ավինյան․ ՏԵՍԱՆՅՈՒԹ
Հայտնաբերվել են թուրքական ռազմական օդանավի կործանման հետևանքով զոհված 18 զինվորների մարմինները
Քաղաքականություն
12.11.2025 | 14:34
Վրաց-ադրբեջանական սահմանին կործանված թուրքական ռազմական բեռնատար օդանավում գտնվող 20 անձանցից 18-ի մարմինները գտնվել են, մյուս երկուսի որոնումները շարունակվում են։ Այս մասին հայտարարել է Վրաստանի ներքին գործերի նախարար Գեկա Գելաձեն, փոխանցում է վրացական Առաջին ալիքը։
«Երեկ մոտավորապես ժամը 14:00-ին թուրքական ռազմական ինքնաթիռը թռիչք է կատարել Ադրբեջանի տարածքից, հատել Վրաստանի սահմանը և վթարի ենթարկվել մոտ 5 կիլոմետր հեռավորության վրա։ Ինքնաթիռում եղել է 20 մարդ, այդ թվում՝ անձնակազմի անդամներ։ Նրանցից 18-ը հայտնաբերվել են և, ցավոք, զոհվել են, երկու անձի որոնումները շարունակվում են»,- ասել է նա։
Ըստ պաշտոնյայի՝ մշտական կապի և համակարգման մեջ է Թուրքիայի ներքին գործերի նախարարի հետ։ Վրացի նախարարն ասել է, որ ստեղծվել է միջազգային քննչական խումբ, որում ներառված են թուրք գործընկերները։ Նրանք գիշերը մնացել են դեպքի վայրում և մասնակցել քննչական գործողություններին։
Ավելի վաղ Թուրքիայի ՊՆ-ն հայտնել էր, որ կործանված ռազմական ինքնաթիռում գտնվող բոլոր 20 զինծառայողները զոհվել են։
Թարգմանությունը՝ Էմմա Չոբանյանի
