28.04.2026 | 18:44
Ուկրաինա-Իսրայել սկանդալը թափ է հավաքում. Զելենսկին կոշտ հայտարարություն է արել Իսրայելի հասցեին
ԱՄՆ-ը ՆԱՏՕ-ի դաշնակիցներին, այդ թվում՝ Թուրքիային կոչ է անում ՌԴ-ից էներգակիրներ չգնել
Քաղաքականություն
11.11.2025 | 18:11
Վաշինգտոնը կոչ է արել Անկարային դադարեցնել Ռուսաստանից նավթի ու գազի գնումը։ Այս մասին ասվում է ԱՄՆ Պետքարտուղարության հաղորդագրության մեջ՝ ԱՄՆ պետքարտուղար Մարկո Ռուբիոյի և Թուրքիայի արտգործնախարար Հաքան Ֆիդանի՝ Վաշինգտոնում կայացած հանդիպման վերաբերյալ։
Նշվում է, որ ԱՄՆ փոխնախագահ Ջեյ Դի Վենսը և պետքարտուղար Մարկո Ռուբիոն հանդիպել են Թուրքիայի արտաքին գործերի նախարար Հաքան Ֆիդանի հետ։
«Միացյալ Նահանգները և թուրքական պատվիրակությունը վերահաստատել են իրենց շարունակական աջակցությունը իսրայելցի պատանդներին վերադարձնելու և Գազայում երկարատև հրադադարի հասնելու ջանքերին։ Միացյալ Նահանգները նաև ընդգծել է նախագահ Թրամփի կոչը ՆԱՏՕ-ի բոլոր դաշնակիցներին՝ դադարեցնել ռուսական էներգակիրների գնումը՝ Ուկրաինայում շարունակվող պատերազմին վերջ դնելուն օգնելու համար»,- ասվում է հայտարարության մեջ։
Ավելի վաղ Հաքան Ֆիդանն էր թուրքական լրատվամիջոցներին մանրամասներ հայտնել իր բանակցություններից։
Հիշեցնենք, որ Սպիտակ տանը Թուրքիայի նախագահ Ռեջեփ Թայիփ Էրդողանի հետ հանդիպմանը ԱՄՆ նախագահ Դոնալդ Թրամփը հայտարարել էր, որ կցանկանար՝ Անկարան դարարեցնի ՌԴ-ից նավթի ու գազի գնումը։
Թարգմանությունը՝ Էմմա Չոբանյանի
