09.06.2026 | 14:20
Պատրաստվում ենք դիմել ՍԴ՝ վիճարկելու ընտրության արդյունքները․ Իշխան Սաղաթելյան․ ՏԵՍԱՆՅՈՒԹ
Թուրքիայում BeIN Sports հեռուստաալիքի շենքի վրա զինված հարձակում է տեղի ունեցել. ՏԵՍԱՆՅՈՒԹ
Քաղաքականություն
10.11.2025 | 17:18
42-ամյա Քեմալ Ս.-ն ատրճանակով ներխուժել է Ստամբուլի Այազաղայի BeIN Sports հեռուստաընկերության շենք։ Դեպքի վայր ժամանած ոստիկանները պարզել են, որ տղամարդը շենքի անվտանգության աշխատակից մի կնոջ ամուսինն է, իսկ նրա թիրախը սպորտային մեկնաբան Գյունթեքին Օնայն է եղել։
Հաղորդվում է, որ նախորդ օրը անվտանգության կին աշխատակիցը մերժել է փոխանցել Օնայի սննդի պատվերը՝ ասելով. «Ո՞վ է Գյունթեքին Օնայը։ Ես նրան չեմ ճանաչում»։ Ի պատասխան՝ մարզական մեկնաբանը մուտքի մոտ վիրավորել է կնոջը՝ ասելով․ «Ինչո՞ւ եք վարձում նման մարդկանց»։
Ենթադրվում է, որ սա էլ այսօրվա միջադեպի պատճառ է դարձել։ Օնայն այդ պահին շենքում չի եղել։
Հեռուստաալիքի շենք ներխուժած տղամարդու հետ ոստիկանության բանակցությունները հաջողությամբ են պսակվել։ Զայրացած ամուսնուն համոզել են հեռանալ, նա ձերբակալվել է։ Պարզվել է նաև, որ նրա ձեռքին խաղալիք զենք է եղել։
Թարգմանությունը՝ Էմմա Չոբանյանի
