05.10.2026 | 18:19
Ինչպե՞ս կարդալ 21-րդ դարում․ շուրջ 700 ուսուցիչ մասնակցել է մասնագիտական քննարկումների
Չեմ կալանավորվել, մեղադրանքն էլ չեմ ընդունում․ Վահան Քերոբյանը գրառում է կատարել
Հասարակություն
08.11.2025 | 10:31
ՀՀ Էկոնոմիկայի նախկին նախարար Վահան Քերոբյանը գրառմամբ տեղեկացրել է, որ չի կալանավորվել և որ իրեն առաջադրված մեղադրանքը չի ընդունում։
«Հոգատար մարդիկ
Ինձ հետ ամեն ինչ լավ է, հակակոռուպցիոն դատարանը մերժեց ոչ միայն ինձ, այլև հինգ տարի քննվող և ավելի քան տաս տարվա վաղեմության դեպքերին վերաբերող գործով անցնող կարծես թե մյուս բոլոր մեկ տասնյակից ավելի մեղադրյալներին կալանավորելու միջնորդությունները։
Բնականաբար, մեղադրանքը չեմ ընդունում։
Սիրով»,- գրել է Քերոբյանը։
Հիշեցնենք, որ նախօրեին տեղեկացրել էինք, որ խուզարկել են Քերոբյանի բնակարանը, ապա ձերբակալել նրան։
Ապա Քննչական կմիտեն մանրամասներ հաղորդեց՝ նշելով, որ նույն գործով 7 անձ է ձերբակալվել։ Ըստ Քննչական կոմիտեի՝ բացահայտվել է հանցավոր կազմակերպության կողմից 2008-2014 թվականներին կատարված կոռուպցիոն դեպք․ ըստ որի՝ Երևանում գտնվող 3 հողամաս ապօրինի դուրս են բերել գույքային ֆոնդից, ապա գրավադրել տարբեր բանկերում ու ստացել մոտ 10 միլիոն դոլարի վարկ։
Ավելի ուշ հայտնի դարձավ, որ Քերոբյանին կալանավորելու միջնորդություն է կայացվել։
