29.06.2026 | 22:03
Վրաստանն ու Ղազախստանը ռազմավարական գործընկերության մասին հռչակագիր են ստորագրել
Իրանի նախագահը զգուշացնում է՝ Թեհրանը ստիպված կլինեն տարհանել, եթե անձրև չտեղա
Քաղաքականություն
07.11.2025 | 15:19
Իրանի նախագահ Մասուդ Փեզեշքիանը հինգշաբթի խիստ նախազգուշացում է տարածել, որ մայրաքաղաք Թեհրանը կարող է տարհանվել, եթե անձրև չգա, քանի որ երկրում ջրի լուրջ պակաս է։
«Եթե անձրև չգա, մենք ստիպված կլինենք հաջորդ ամսվանից սկսել սահմանափակել Թեհրանում ջրի մատակարարումը։ Եթե երաշտը շարունակվի, մենք ջուրը կսպառենք և ստիպված կլինենք տարհանվել քաղաքից»,- ասել է Փեզեշքիանը երկրի արևմտյան քրդական Սանանդաջ շրջան կատարած այցի ժամանակ։
Թեհրանում ապրում է գրեթե 10 միլիոն մարդ։ Փեզեշքիանը քաղաքում ստեղծված իրավիճակը որակել է որպես «տագնապալի» և կոչ արել ավելի լավ կառավարել ջուրն ու խնայել այն։
Թեհրանի ջրամատակարարումը կախված է հինգ հիմնական ամբարտակներից՝ Լար, Մամլու, Ամիր Քաբիր, Թալեկան և Լատյան։ Ամիր Քաբիրը ամբարտակներից ամենամեծն է, բայց այն կչորանա երկու շաբաթից էլ պակաս ժամանակում։
Այս պահին ամբարտակը «պարունակում է ընդամենը 14 միլիոն խորանարդ մետր ջուր, որը կազմում է դրա հզորության ութ տոկոսը», ասել է մայրաքաղաքի ջրամատակարարման ընկերության տնօրեն Բեհզադ Պարսան։
Այս թիվը նվազել է անցյալ տարվա 86 միլիոն խորանարդ մետր ջրի համեմատ։
Իրանական լրատվամիջոցների հաղորդմամբ՝ Թեհրանի բնակչությունն ամեն օր սպառում է մոտ երեք միլիոն խորանարդ մետր ջուր։
Թարգմանությունը՝ Էմմա Չոբանյանի
