19.08.2026 | 19:43
Արաղչին հայտարարել է, որ Իրանի պատերազմն ապացուցեց՝ արտաքին ուժերն ու բազաները չեն կարող անվտանգություն ապահովել
Վարդան Ղուկասյանին հիվանդանոց են տեղափոխել. փաստաբան
Հասարակություն
06.11.2025 | 19:50
Այսօր՝ ժամը 16։00-ի սահմաններում, կտրուկ վատացել է Երևանի «Կենտրոն» քրեակատարողական հիմնարկում գտնվող Գյումրու քաղաքապետ Վարդան Ղուկասյանի առողջական վիճակը, գրել է Վարդան Ղուկասյանի փաստաբան Զարուհի Փոստանջյանը։
«Քրեակատարողական հիմնարկի անձնակազմը անմիջապես հրավիրել է շտապ բժշկական օգնություն, և Վարդան Ղուկասյանը տեղափոխվել է «Սուրբ Գրիգոր Լուսավորիչ» բժշկական կենտրոն։
Նախնական տվյալներով՝ այս պահին Վարդան Ղուկասյանը գտնվում է «Սուրբ Գրիգոր Լուսավորիչ» ԲԿ-ում։ Նրա առողջական վիճակի մանրամասները ճշտվում են։
Վարդան Ղուկասյանը կալանավայրում էր արդեն 18 օր, մինչ այդ վարույթն իրականացնող մարմինը և դատարանը տեղեկացված էին նրա առողջական խնդիրների մասին, այնուամենայնիվ, որոշում էր կայացվել նրա կալանավորման վերաբերյալ»,- մասնավորապես գրել է նա։
«Քրեակատարողական բժշկության կենտրոն» ՊՈԱԿ-ից հրաժարվեցին, առանց անձի համաձայնության, նրա առողջական վիճակի վերաբերյալ տվյալներ հայտնել:
