06.09.2026 | 20:00
«Շատ մեծ ուրախություն էր, երբ իմացանք, որ խաղալու ենք «Միլանի» դեմ»․ Գևորգ Ղազարյան․ ՏԵՍԱՆՅՈւԹ
Երկու միլիոն դրամ «Բամբիռ» խմբին շուրջ 30 րոպեանոց ելույթի համար
Մշակույթ
04.11.2025 | 17:52
«Բամբիռ» ռոք խմբին առնվազն 30 րոպե ելույթի համար Երևանի քաղաքապետարանը վճարել է երկու միլիոն դրամ։ Այս մասին Factor.am-ը տեղեկանում է գնումների պետական համակարգում տեղադրված պայմանագրի ուսումնասիրությունից։
Հայկական ֆոլկ-ռոք խումբը ելույթ է ունեցել «Դիանա Աբգար»-ի անվան զբոսայգու տարածքում՝ «Էրեբունի-Երևան 2807» միջոցառումների շրջանակում։ Երգացանկը համաձայնեցվել է պատվիրատուի, այսինքն՝ Երևանի քաղաքապետարանի հետ։
Հիշեցնենք, որ երեկ գրել էինք՝ «Էրեբունի-Երևան-2807» տոնակատարությունների շրջանակում միջոցառումների կազմակերպման համար Երևանի քաղաքապետարանը «Ֆակտորի փրոդաքշն» ՍՊԸ-ին վճարել է 332 միլիոն 934 հազար դրամ կամ 865 հազար դոլար։ Ընկերությունն ընտրվել է առանց մրցույթի՝ մեկ անձից գնման ընթացակարգով։
«Ֆակտորի փրոդաքշն»-ը պարտավորվել է միջոցառումներ կազմակերպել Գաֆէսճեան քանդակների պարտեզի տարածքում, Ազատության հրապարակում, Դիանա Աբգարի զբոսայգու տարածքում, Շառլ Ազնավուրի անվան հրապարակում, Կարապի լճի տարածքում և Հանրապետության հրապարակում։
Արփի Հակոբյան
