25.02.2026 | 21:59
Հարություն Պապյանը որոնվում է որպես անհետ կորած
Սենոր Հասրաթյանը` շփման գծի իրավիճակի մասին
19.07.2017 | 10:46
Հուլիսի 18-ի լույս 19-ի գիշերը արցախաադրբեջանական շփման գծում իրավիճակը հանգիստ է եղել։ Այս մասին Factor.am-ին հայտնեց Արցախի ՊԲ մամուլի քարտուղար Սենոր Հասրաթյանը։ «Գիշերը հարաբերական հանգիստ է եղել․ հրաձգային զինատեսակներից կրակոցներ եղել են, բայց միջադեպեր չեն արձանագրվել»,- տեղեկացրեց Հասրաթյանը։
Հիշեցնենք, որ այսօր Արցախի խորհրդարանի՝ ժամը 11․00-ին մեկնարկող հատուկ նիստում կկայանան երկրի նախագահի ընտրությունները։
Արցախի նախագահի պաշտոնում առաջադրված է երկու թեկնածու՝ գործող նախագահ Բակո Սահակյանը և ընդդիմադիր «Շարժում-88» խմբակցության ղեկավար Էդուարդ Աղաբեկյանը։ Արցախի կառավարման մոդելի փոփոխությամբ պայմանավորված՝ ընտրված նախագահը, ինչպես նաև խորհրդարանը, պաշտոնավարելու են մինչև 2020 թվականը, որից հետո սպասվում են և՛ խորհրդարանական, և՛ նախագահական ընտրություններ։
Սեդա Ղուկասյան
