06.12.2025 | 16:31
Ինչ եղանակ է սպասվում առաջիկա օրերին
ԱԽ գրասենյակը կդառնա պետական պահպանության ենթակա կարևորագույն նշանակության օբյեկտ
Քաղաքականություն
30.10.2025 | 16:27
Այժմ ներքին գործերի նախարարության ոստիկանության կողմից պետական պահպանության ենթակա կարևորագույն նշանակության օբյեկտների ցանկում Անվտանգության խորհրդի գրասենյակը ներառված չէ։
«Հաշվի առնելով, որ Անվտանգության խորհրդի գրասենյակը հանդիսանում է ռազմավարական խոցելիության բարձր ռիսկ ունեցող օբյեկտ, որի դեմ ոտնձգությունը կարող է սպառնալ Հայաստանի Հանրապետության պաշտպանունակությանը, ուստի Անվտանգության խորհրդի գրասենյակի կարևորագույն նշանակությամբ պայմանավորված՝ անհրաժեշտություն է առաջացել՝ փոփոխություն և լրացում կատարելու Հայաստանի Հանրապետության կառավարության որոշման մեջ»,-նշվում է ՆԳՆ նոր նախագծում։
Այսպիսով, պետական պահպանության ենթակա կարևորագույն նշանակության օբյեկտների ցանկում կներառվի անվտանգության խորհրդի գրասենյակը։
Եվգենյա Համբարձումյան
