07.04.2026 | 23:38
ՌԴ-ում մտադիր են չեղարկել «Պռոշյանի կոնյակի գործարանի» լիցենզիան
ԱԺ-ն 520 մլն դրամ կհատկացնի «Աջակցություն կուսակցություններին և կուսակցությունների դաշինքներին» միջոցառման համար․ ՏԵՍԱՆՅՈՒԹ
Տնտեսություն
29.10.2025 | 15:10
2026 թվականի պետական բյուջեի նախագծով Ազգային ժողովի աշխատակազմին իր ծախսային ծրագրի իրականացման մասով հատկացվել է մոտ 7 մլրդ դրամ, այս մասին ԱԺ մշտական հանձնաժողովների բյուջետային նիստում տեղեկացրեց ԱԺ աշխատակազմի ղեկավար-գլխավոր քարտուղար Դավիթ Առաքելյանը:
«ՀՀ Ազգային ժողովի գործունեության ապահովում, օրենսդրական, վերլուծական և ներկայացուցչական ծառայություններ» միջոցառման համար նախատեսված է 6,2 մլրդ դրամ, աշխատակազմի պետական ծառայողների վերապատրաստման համար` 1,3 մլն դրամ: Ազգային ժողովի դերի բարձրացմանն ուղղված միջոցառումների իրականացման գծով նախատեսվում է հատկացնել 168,8 մլն դրամ»,- փոխանցեց Առաքելյանը՝ հավելելով, որ այդ միջոցառման 114,8 մլն դրամը կազմում է ԱԺ-ի համար ՄԱԿ-ի կողմից իրականացվող «Նոր Հայաստան` ժամանակակից խորհրդարան» ծրագրի համաֆինանսավորմամբ:
Նրա խոսքով՝ միջազգային խորհրդարանական կազմակերպություններին ՀՀ անդամակցության վճարների գծով կհատկացվի 150,9 մլն դրամ, իսկ «Աջակցություն կուսակցություններին և կուսակցությունների դաշինքներին» միջոցառման համար նախատեսվում է հատկացնել 520,7 մլն դրամ:
Մանրամասները՝ տեսանյութում։
Մանյա Պողոսյան
