11.09.2026 | 23:28
Վարչապետը խարույկի շուրջ հանդիպում է ունեցել հեծանվավազքի «Վարչապետի գավաթ»-ի մասնակիցների հետ
Թրամփը Իսրայելի խորհրդարանում ունեցած ելույթում կրկին Հայաստանին ու Ադրբեջանին է անդրադարձել․ ՏԵՍԱՆՅՈՒԹ
Քաղաքականություն
13.10.2025 | 18:41
ԱՄՆ նախագահ Դոնալդ Թրամփը Իսրայելի Կնեսետում (խորհրդարան) այսօրվա իր ելույթում անդրադարձել է նաև Հայաստանի և Ադրբեջանի միջև խաղաղության գործընթացին։ Նա նշել է, որ Միացյալ Նահանգները կձգտի կառուցել ապագա և ժառանգություն ապագա սերունդների համար՝ հիմնված համագործակցության, բարեկամության և առևտրային կապերի վրա։
«Թել Ավիվից մինչև Դուբայ, Հայֆայից մինչև Բեյրութ, Երուսաղեմից մինչև Դամասկոս, Իսրայելից Եգիպտոս, Սաուդյան Արաբիայից Կատար, Հնդկաստանից Պակիստան, Ինդոնեզիայից Իրաք, Սիրիայից Բահրեյն, Թուրքիայից Հորդանան, ԱՄԷ-ից Օման և Հայաստանից մինչև Ադրբեջան»,- թվարկել է Թրամփը։
Հավելենք, որ ԱՄՆ նախագահը տարբեր առիթներով պարբերաբար խոսում է Հայաստանի և Ադրբեջանի միջև խաղաղության գործընթացում իր դերակատարումից։
Թարգմանությունը՝ Էմմա Չոբանյանի
