30.07.2026 | 11:47
Լեհաստանը ռազմական ինքնաթիռներ է օդ բարձրացրել Ուկրաինայի վրա ռուսական զանգվածային հարձակման ֆոնին
Թրամփը կրկին խոսել է Հայաստանի ու Ադրբեջանի հարաբերությունների կարգավորման մեջ իր դերակատարումից․ՏԵՍԱՆՅՈՒԹ
Քաղաքականություն
30.09.2025 | 22:10
ԱՄՆ նախագահ Դոնալդ Թրամփը կրկին խոսել է Հայաստանի ու Ադրբեջանի հարաբերությունների կարգավորման գործընթացում իր դերակատարումից Վիրջինիա նահանգի Քուանտիկո ծովային հետևակի բազայում զինվորականների հետ հանդիպմանը։
Նրա խոսքով՝ այս հակամարտությունը տևել է 36 տարի։ «Բոլորն ասում էին, որ այն անլուծելի է։ Բայց ես լուծեցի այն», – նշել է Թրամփը։
Նա հիշել է Վաշինգտոնում օգոստոսի 8-ին Հայաստանի ու Ադրբեջանի ղեկավարներ Նիկոլ Փաշինյանի ու Իլհամ Ալիևի հետ հանդիպումը՝ այս անգամ առանց նրանց անունները տալու։
«Ես խոսել եմ նրանց հետ, օրերս նրանցից մեկի հետ։ Նա ասաց. «ոչ, նա հիմա իմ ընկերն է։ Բայց 22 տարի նա ղեկավարել է… 22 տարի Ադրբեջանի ղեկավարն էր, իսկ մյուս տղան՝ հրաշալի տղա՝ 7 (տարի) և գիտեք, այդ պատերազմը, դա պատերազմ էր, որը լուծելի չէր»,-հայտարարել է Թրամփը։
Հիշեցնենք, որ օրերս Թրամփը չէր պատասխանել Փաշինյանի և Ալիևի հետ հանդիպման մասին լրագրողի հարցին։
Թարգմանությունը՝ Էմմա Չոբանյանի
