Իշխանությունն ուզում է կոծկե՞լ 44-օրյայի փաստերը․ պատերազմի զեկույցը չի ներկայացվի ԱԺ-ի լիագումար օրակարգ․ ՔՆՆԱՐԿՈՒՄ

Արդյո՞ք հանրությունը կտեղեկանա 44-օրյա պատերազմի քննիչ հանձնաժողովի ուսումնասիրության արդյունքների մասին, թե՞ ինչպես քառօրյայի դեպքում՝ զեկույցը հասանելի չի լինի հանրությանը, անգամ՝ մասնակի։ Բանավեճ է ծագել Ազգային ժողովի նախագահի ու ԱԺ պաշտպանության հանձնաժողովի նախագահի միջև: Ալեն Սիմոնյանն ասել է, որ զեկույցը կքննարկվի, բայց փակ լսումների ընթացքում։ Ըստ նրա՝ զեկույցն Ազգային ժողովի լիագումար նիստերի օրակարգ չի կարող մտնել, քանի որ պատերազմի հանգամանքներն ուսումնասիրող հանձաժողովի ժամկետը լրացել է բացի այդ ուղիղ եթերում չեն կարող հնչել պետական գաղտնիք հանդիսացող տեղեկություններ։

Անդրանիկ Քոչարյանը կտրականապես չի ընդունում Ալեն Սիմոնյանի պնդումը, թե իրավական հիմք չկա 44-օրյա պատերազմի զեկույցը լիագումար նիստում քննարկելու համար: Նա հիշեցնում է, որ քառօրյա պատերազմի զեկույցը ներառվել է ԱԺ-ի նիստերի օրակարգում, չնայած, որ էլի խնդիր կար ժամկետի հետ։ Ճիշտ է՝ այն ժամանակ ԱԺ նախագահն Արարատ Միրզոյանն էր։

Ինչի՞ մասին է այս բանավեճը, չկա՞ ռիսկ, որ ներիշխանական այս հակասությունների պատճառով՝ 44-օրյայի զեկույցը պարզապես ուղարկվի արխիվ, և հանրությունը պատասխանների փոխարեն՝ մնա միայնակ իր հարցերի հետ։
Factor TV-ի տաղավարում հրավիրել ենք քննարկում, որին մասնակցում են ՀՔԱՎ գրասենյակի ղեկավար Արթուր Սաքունցը, իրավապաշտպան Զարուհի Հովհանիսյանը, 44-օրյա պատերազմի մասնակից Հովսեփ Ղազարյանը, Ազատազեն ՀԿ խորհրդի նախագահ Իշխան Գևորգյանը։

Հաղորդումն ամբողջությամբ՝ տեսանյութում։

Ռոբերտ Անանյան