12.01.2026 | 17:00
ՀՀ քաղաքացիները 2025-ին ավելի շատ են տուգանվել
Բաշար ալ-Ասադին թունավորել են Մոսկվայում․ SOHR
Քաղաքականություն
02.10.2025 | 12:44
Սիրիայի նախկին նախագահ Բաշար ալ-Ասադը Մոսկվայում թունավորվել է։ Այս մասին հաղորդում է Սիրիական մարդու իրավունքների դիտորդական կենտրոնը՝ SOHR-ը։
Կենտրոնը մասնավոր աղբյուրից տեղեկացել է, որ Բաշար ալ-Ասադը երկու օր առաջ դուրս է գրվել Ռուսաստանի մայրաքաղաք Մոսկվայի ծայրամասում գտնվող հիվանդանոցից, նրա առողջական վիճակն այժմ կայուն է։
Աղբյուրը նշել է, որ Ասադի հոսպիտալացման ընթացքում ոչ ոքի չի թույլատրվել է այցելել նրան՝ բացի եղբայր Մահեր ալ-Ասադից։ Նախագահական գործերի նախկին գլխավոր քարտուղար Մանսուր Ազզամիին նույնպես թույլատրվել է այցելել նրան։
Նշվում է, որ Բաշար ալ-Ասադը թունավորվել է, և գործողությունն իրականացրած կողմը ցանկացել է անպատվել Ռուսաստանի կառավարությանը և մեղադրել նրան սպանությունը կազմակերպելու մեջ։
Հիշեցնենք, որ 2024 թվականի դեկտեմբերին Ասադի իշխանությունը տապալվել է ապստամբների կողմից և նա փախել է Մոսկվա։ Ասադը ընտանիքի հետ այժմ ՌԴ մայրաքաղաքում է բնակվում։
Թարգմանությունը՝ Էմմա Չոբանյանի
