12.01.2026 | 17:10
Ադրբեջանն ու ԱՄՆ-ն քննարկել են TRIPP-ի զարգացման հեռանկարները
Չկան մեծագույն պրոբլեմներ, իրավիճակն ուռճացնում եք․ ՊՆ փոխնախարարը՝ Մանուկյանին․ ՏԵՍԱՆՅՈՒԹ
Քաղաքականություն
30.09.2025 | 10:48
«Անցյալում վարժական հավաքները հաճախ ձևական բնույթ էին կրում, մինչդեռ այսօր դրանք իրականացվում են ըստ բովանդակության և նշանակության»,- այս մասին ԱԺ նիստում ասաց ՀՀ պաշտպանության նախարարի տեղակալ Արման Սարգսյանն՝ արձագանքելով ընդդիմադիր պատգամավոր Գեղամ Մանուկյանի դիտարկումներին։
Փոխնախարարի ներկայացմամբ՝ հավաքների 24 օրից շուրջ 10 օրը զինծառայողները մասնագիտական ուսումնասիրությունների և ունակությունների զարգացման գործընթացի մեջ են, մնացած ժամանակահատվածում էլ ներգրավվում են ծառայության իրականացման մեջ, այդ թվում՝ մարտական հերթապահության։
Արման Սարգսյանը չհամաձայնեց ընդդիմադիր պատգամավորի գնահատականներին, թե վարժական հավաքներն ընթանում են մեծագույն խնդիրներով և պաշտպանական գերատեսչությունն այդ խնդիրների նկատմամբ «աչաքակապություն» է անում։
«Եթե ամեն ինչ աչքակապություն լիներ, ապա խնդիրները չէին բարձրաձայնվի և շտկումներ չէին իրականացվի։ Փաստը, որ փոփոխություններ արվում են, վկայում է համակարգի կատարելագործման մասին»,- պնդեց փոխնախարարը։
Մանրամասները՝ տեսանյութում։
Մանյա Պողոսյան
