12.01.2026 | 19:53
Մեկնարկում է շախմատի Հայաստանի առաջնությունը․ առաջին տուրի զույգերը հայտնի են
Ուկրաիական ԱԹՍ-ները կրկին հարվածել են Բաշկորտոստանում գտնվող «Գազպրոմ»-ի նավթաքիմիական գործարանին․ ՏԵՍԱՆՅՈՒԹ
Քաղաքականություն
24.09.2025 | 13:52
Ուկրաինական ԱԹՍ-ները հարված են հասցրել Բաշկորտոստանում գտնվող «Գազպրոմ Նեֆտեխիմ Սալավատ» գործարանին։ Այս մասին հայտնել է հանրապետության ղեկավար Ռադի Խաբիրովը, գրում է Current time-ը։
«Մենք որոշում ենք վնասի չափը։ Բոլոր արտակարգ ծառայությունները տեղում են և միջոցներ են ձեռնարկում հրդեհը մարելու համար»,- գրել է նա իր տելեգրամի ալիքում։
Տեղի բնակիչները քաղաքում պայթյունների ձայներ են լսել։ Ռուսական և ուկրաինական տելեգրամ ալիքները հրապարակում են լուսանկարներ և տեսանյութեր, որոնցում երևում է ծխի խիտ ամպ։ Ուկրաինայի իշխանությունները դեռևս չեն մեկնաբանել գործարանի վրա հարձակումը։
«Գազպրոմ Նեֆտեխիմ Սալավատ»-ը Ռուսաստանի խոշորագույն նավթաքիմիական համալիրներից է։ Այն իրականացնում է ածխաջրածնային հումքի վերամշակման ամբողջական ցիկլ և արտադրում է բենզին, դիզելային վառելիք, մազութ, բիտում, պոլիէթիլեն, ստիրոլ և այլն։ Համալիրը ներառում է երեք գործարան՝ նավթավերամշակման, գազաքիմիական և «Մոնոմեր» գազաքիմիական գործարանը։
Հավելենք, որ ձեռնարկությունը սեպտեմբերի 18-ին նույնպես հարձակման էր ենթարկվել ուկրաինական անօդաչու թռչող սարքերի կողմից, որի արդյունքում խոշոր հրդեհ էր բռնկվել։
Թարգմանությունը՝ Էմմա Չոբանյանի
