08.06.2026 | 15:36
ՄԻՊ ներկայացուցիչներն այցելել են «Զվարթնոցում» ձերբակալված Հովհաննես Սահակյանին
Թրամփը Հայաստանը կրկին Ալբանիա է կոչել, Ադրբեջանը` «Աբերբեջան». ՏԵՍԱՆՅՈՒԹ
Քաղաքականություն
18.09.2025 | 19:51
ԱՄՆ նախագահ Դոնալդ Թրամփը կրկին սխալ է արտաբերել Ադրբեջան բառը, իսկ Հայաստանը՝ Ալբանիա կոչել։ Մեծ Բրիտանիայի վարչապետ Քիր Սթարմերի հետ մամուլի ասուլիսում նա խոսել է Հայաստանի ու Ադրբեջանի միջև խաղաղության ձեռքբերման գործընթացում իր դերակատարումից՝ որպես հակամարտության լուծման օրինակ՝ պատասխանելով Ուկրաինայի պատերազմի վերաբերյալ հարցին։
«Մենք կարգավորեցինք Աբերբեջանի և Ալբանիայի միջև պատերազմը։ Այն ընթանում էր տարիներով և երբեք չէր կարգավորվելու: Եթե հիշում եք՝ վարչապետն ու նախագահը իմ գրասենյակում էին: Սկզբում նրանք հեռու էին միմյանցից նստել։ Մեկ ժամ միասին աշխատելուց հետո նրանք ավելի մոտենում էին: Երբ ավարտեցինք, մենք բոլորս գրկախառնվեցինք»,- ասել է նա։
Հիշեցնենք, որ ավելի վաղ նույնպես Հայաստան-Ադրբեջան կարգավորման գործընթացին անդրադառնալիս Թրամփը ճիշտ չէր արտասանել Ադրբեջան բառը, իսկ Հայաստանն անվանել էր Ալբանիա։
Թարգմանությունը՝ Էմմա Չոբանյանի
