08.06.2026 | 18:10
ԲՀԿ-ն պնդում է՝ իրենց ձայները նվազեցվել են // ԵՄ-ն հերթական վարկը կտա Ուկրաինային. ԼՈՒՐԵՐ
Թրամփը Հայաստանը կրկին Ալբանիայի հետ է շփոթել․ ՏԵՍԱՆՅՈՒԹ
Քաղաքականություն
12.09.2025 | 19:17
ԱՄՆ նախագահ Դոնալդ Թրամփը Fox News-ին տված հարցազրույցի ժամանակ կրկին շփոթել է Հայաստանը Ալբանիայի հետ։
«Ես լուծեցի մի բան, որը թվում էր անլուծելի։ Ադրբեջան և Ալբանիա։ Այս հակամարտությունը շարունակվում է շատ տարիներ։ Իմ գրասենյակում էին երկու երկրների վարչապետներն ու նախագահները։ Նրանք նստած էին շատ հեռու՝ մեկ աթոռ այստեղ, մեկ աթոռ այնտեղ։ Ես ասացի. «Մոտեցեք, միացեք, եկեք»․․․․Ես ասացի. «Եկեք գրկախառնվենք և հաշտվենք»։ Եվ մենք, ի վերջո, լուծեցինք խնդիրը»,- հայտարարել է Թրամփը։
Հիշեցնենք, որ ավելի վաղ ԱՄՆ նախագահը հարցազրույց էր տվել լրագրող Մարկ Լևինի յութուբյան ալիքին ու անդրադարձել հայ-ադրբեջանական հարաբերությունների կարգավորման գործընթացում իր դերին։
Հայաստան-Ադրբեջան կարգավորման գործընթացին անդրադառնալիս Թրամփը ճիշտ չէր արտասանել Ադրբեջան բառը, իսկ Հայաստանն անվանել էր Ալբանիա։
Թարգմանությունը՝ Էմմա Չոբանյանի
