20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Գործարար Արայիկ Ամիրխանյանը չի ընդունում ուկրաինական Ռադայի նախկին պատգամավորի սպանության գործով իրեն առաջադրված մեղադրանքը
Քաղաքականություն
18.09.2025 | 14:30
Գործարար Արայիկ Ամիրխանյանը չի ընդունում Ուկրաինայի Գերագույն ռադայի նախկին պատգամավոր Իլյա Կիվայի սպանությանը նպաստելու և դրդելու՝ իրեն առաջադրված մեղադրանքը։ Այս մասին ՌԻԱ Նովոստիին հայտնել է քննության ընթացքին ծանոթ աղբյուրը։
«Մեղքը չի ընդունում և պնդում է, որ զրպարտել են իրեն»,- ասել է գործակալության աղբյուրը։
Ավելի վաղ լրատվամիջոցի աղբյուրը նշել էր, որ Ամիրխանյանին մեղադրանք է առաջադրվել Կիվայի սպանությանն օժանդակելու և զենքի ապօրինի շրջանառության մեջ՝ կապված նրա մասին տեղեկատվությունն Ուկրաինայի անվտանգության ծառայությանը փոխանցելու գործի հետ։ Ներկայում Ամիրխանյանը գործով միակ անձն է, որը նույնականացվել և ձերբակալվել է։
Հիշեցնենք՝ օրերս հաղորդվել էր, որ Մերձմոսկվայի դատարանը կալանավորել է գործարար Արայիկ Ամիրխանյանին Կիվայի սպանության գործով։
Ամռան սկզբին նա դատապարտվել էր վեց տարվա ազատազրկման ընդհանուր ռեժիմի ուղղիչ գաղութում և տուգանքի։ Դատարանը պարզել է, որ մեղադրյալը երկու անգամ գումար է փոխանցել դատական կատարածուին՝ ընկերության հաշիվներից կալանքը վերացնելու համար։ Օգոստոսի վերջին վերաքննիչ դատարանը դատավճիռն օրինական է ճանաչել։
Այս տարվա հունիսին հաղորդվել էր, որ ձերբակալվել է Հայաստանի 44-ամյա քաղաքացի Արայիկ Ամիրխանյանը, որը կասկածվում է Ուկրաինայի Գերագույն ռադայի նախկին պատգամավոր Իլյա Կիվայի սպանությանը մասնակցելու մեջ։
Թարգմանությունը՝ Էմմա Չոբանյանի
