11.09.2026 | 23:28
Վարչապետը խարույկի շուրջ հանդիպում է ունեցել հեծանվավազքի «Վարչապետի գավաթ»-ի մասնակիցների հետ
Հայկ Սարգսյանը պահանջում է հերքել ԶԼՄ հրապարակումն այն մասին, թե ինքնասպան եղած գործարար Կարեն Գասպարյանի հետ խնդիրներ է ունեցել
Հասարակություն
17.09.2025 | 12:55
ԱԺ «Քաղաքացիական պայմանագիր» խմբակցության պատգամավոր Հայկ Սարգսյանը դատական հայց է ներկայացրել ընդդեմ «Հայելի ակումբ»-ի։ Պահանջում է հրապարակայնորեն հերքել «hayeli․am» լրատվական կայքում և համանուն ֆեյսբուքյան էջում օգոստոսի 19-ին հրապարակված «Ինչ կապ ունի երեկ մահացած Բրավոյի Կարենը Հայկ Սարգսյանի հետ» վերնագրով հոդվածում Հայկ Սարգսյանին վերաբերվող տեղեկությունն՝ ամբողջությամբ։ Ըստ պատգամավորի՝ հոդվածում տեղ գտած տեղեկություններն ամբողջությամբ զրպարտություն են, իրականությանը չեն համապատասխանում։ Պատգամավորը պահանջում է նաև պատասխանողից բռնագանձել 1.000.000 ՀՀ դրամ՝ որպես ոչ նյութական վնասի հատուցում և 500․000 ՀՀ դրամ՝ որպես փաստաբանի խելամիտ վարձատրության գումար:
Հիշեցնենք, որ օգոստոսի 19-ին Երևանի Դեմիրճյան փողոցում հայտնաբերվել է գործարար Կարեն Գասպարյանի դին (հայտնի է Բրավոյի Կարեն անունով): Իրավապահները գործարարի դին հայտնաբերել են նրա մեքենայի սրահում՝ ձեռքին՝ ատրճանակ։ Դեպքի առթիվ նախաձեռնվել է քրեական վարույթ՝ ինքնասպանության հասցնելու հոդվածով։
Այս դեպքից հետո «Հայելի» ակումբը գրել է այն մասին, որ ՝ Կարեն Գասպարյանը վերջերս խնդիրներ է ունեցել Հայկ Սարգսյանի հետ, ավելին, նրա հետ եղել է դատական քաշքշուկների մեջ։
Արաքս Մամուլյան
