01.04.2026 | 13:34
Մեկնարկել է 2025 թվականի եկամուտներ տարեկան հայտարարագրման գործընթացը
Խորապես գնահատում եմ Ձեր կարևոր դերը Ադրբեջանի և ՀՀ-ի միջև խաղաղության գործընթացի առաջխաղացման գործում․ Ալիևը նույնպես արձագանքել է Թրամփին
Քաղաքականություն
17.09.2025 | 12:15
Ադրբեջանի նախագահ Իլհամ Ալիևը նույնպես պատասխանել է ԱՄՆ նախագահ Դոնալդ Թրամփին՝ հայ-ադրբեջանական կարգավորման հարցում իր ունեցած դերակատարման վերաբերյալ հայտարարության կապակցությամբ։
«Շնորհակալություն, նախագահ Դոնալդ Թրամփ, TruthSocial-ի ձեր էջում գրված բարի խոսքերի համար։ Ես խորապես գնահատում եմ ձեր կարևոր դերը Ադրբեջանի և Հայաստանի միջև խաղաղության գործընթացի առաջխաղացման և Վաշինգտոնի պատմական գագաթնաժողովը հյուրընկալելու գործում։ Դուք Ադրբեջանի և Միացյալ Նահանգների միջև հավերժական բարեկամության և ձևավորվող ռազմավարական գործընկերության ճարտարապետն եք։ Ես մեծապես գնահատում եմ մեր բարեկամությունը»,- գրել է Ալիևը X-ի իր միկրոբլոգում՝ հրապարակելով պիտակ տանը Թրամփի նկարի ֆոնին իր ու ՀՀ վարչապետ Նիկոլ Փաշինյանի լուսանկարը։
Հիշեցնենք, որ ավելի վաղ Նիկոլ Փաշինյանն էր արձագանքել Թրամփին՝ «ևս մեկ անգամ շնորհակալություն հայտնելով Ադրբեջանի հետ պատմական համաձայնագրին միջնորդելու համար»։
Թարգմանությունը՝ Էմմա Չոբանյանի
