24.06.2026 | 07:58
ԱԱ-2026. Կոլումբիան հաղթեց ու նվաճեց փլեյ-օֆֆի ուղեգիր. ՏԵՍԱՆՅՈՒԹ
Եվս մեկ անգամ շնորհակալություն Ադրբեջանի հետ պատմական համաձայնագրին միջնորդելու համար․ Փաշինյանն արձագանքել է Թրամփին
Քաղաքականություն
17.09.2025 | 10:30
ՀՀ վարչապետ Նիկոլ Փաշինյանն արձագանքել է ԱՄՆ նախագահ Դոնալդ Թրամփի՝ Հայաստանի և Ադրբեջանի հարաբերությունների կարգավորմանն ուղղված իր ջանքերի մասին ավելի վաղ սոցցանցում արված գրառմանը։
«Եվ մեկ անգամ շնորհակալություն եմ հայտնում նախագահ Դոնալդ Թրամփին՝ Ադրբեջանի հետ այս պատմական համաձայնագրի կնքմանը միջնորդելու համար, ինչը մինչ այդ ոչ ոքի չի հաջողվել։ Վերահաստատում եմ իմ հանձնառությունը՝ աշխատել խաղաղության հետագա ինստիտուցիոնալացման և TRIPP-ի իրականացման ուղղությամբ»,- X-ի իր միկրոբլոգում գրել է Փաշինյանը։
Հիշեցնենք՝ Թրամփը նշել էր, որ իր «համար մեծ պատիվ է օգնել կարգավորել պատերազմը Ադրբեջանի և Հայաստանի միջև, միևնույն ժամանակ, ընկերանալ երկու մեծ առաջնորդների ու մարդկանց՝ նախագահ Իլհամ Ալիևի և վարչապետ Նիկոլ Փաշինյանի հետ»։
Թարգմանությունը՝ Էմմա Չոբանյանի
