20.08.2026 | 12:34
Նիկոլ Փաշինյանի ճեպազրույցը՝ ՈՒՂԻՂ
ԵԱՀԿ-ն սկսել է իրականացնել Մինսկի գործընթացը լուծարելու որոշումը
Քաղաքականություն
16.09.2025 | 18:04
Եվրոպայում անվտանգության և համագործակցության կազմակերպությունը (ԵԱՀԿ) սկսել է Մինսկի խմբի և դրան առնչվող հաստատությունների լուծարման գործընթացը։ Այս մասին ադրբեջանական իշխանամերձ Report-ին տեղեկացրել է ԵԱՀԿ-ում Ֆինլանդիայի նախագահության աշխատանքային խմբի ղեկավարի տեղակալ Թոնի Սանդելը։
«Կազմակերպության քարտուղարությունն արդեն անցել է գործնական քայլերի՝ ԵԱՀԿ մշտական խորհրդի սեպտեմբերի 1-ի որոշումը կատարելու համար, որն ընդունվել է Ադրբեջանի և Հայաստանի դիմումին ի պատասխան։ Քարտուղարությունը քայլեր է ձեռնարկում Մինսկի գործընթացն ավարտելու և դրան առնչվող կառույցները լուծարելու համար։ Սա ներառում է կադրային հարցեր, արխիվային նյութեր և վարչարարություն։ Մինչև գործընթացի վերջնական ավարտը, որը պետք է արվի ոչ ուշ, քան այս տարվա դեկտեմբերի 1-ը, կիրականացվեն միայն տեխնիկական գործառույթներ, ինչպիսիք են գույքի և սարքավորումների փոխանցումը»,- նշել է Սանդելը։
Նրա խոսքով՝ աշխատանքը վերաբերում է մի քանի ոլորտների, մասնավորապես, ԵԱՀԿ գործող նախագահի անձնական ներկայացուցչի աշխատակազմին, բարձր մակարդակի պլանավորման խմբին, ինչպես նաև փաստաթղթերի և արխիվների կառավարմանը։
Հիշեցնենք, որ նախօրեին ԵԱՀԿ Նախարարական խորհուրդը բոլոր 57 մասնակից պետությունների կոնսենսուսով ընդունել է Մինսկի գործընթացը և դրան կից կառույցների գործունեությունը դադարեցնելու որոշում։
Թարգմանությունը՝ Էմմա Չոբանյանի
