20.08.2026 | 12:29
Ցինցինատի. Արինա Սաբալենկան անակնկալ պարտություն է կրել ռեկորդ սահմանելուց հետո. ՏԵՍԱՆՅՈՒԹ
ԱՄԷ նախագահն Արցախում է․ Շուշիում տեղի է ունեցել Ալիևի հետ հանդիպումը
16.09.2025 | 17:05
Արաբական Միացյալ Էմիրությունների (ԱՄԷ) նախագահ շեյխ Մոհամմեդ բին Զայեդ Ալ Նահյանը պաշտոնական այցով ժամանել է գրավյալ Արցախ՝ Կովսական։ Ադրբեջանական լրատվամիջոցների հաղորդմամբ՝ տեղի միջազգային օդանավակայանում նրան դիմավորել է Ադրբեջանի նախագահ Իլհամ Ալիևը։
Նշվում է, որ ԱՄԷ նախագահին տեղեկատվություն են տրամադրել կառուցված Վարանդայի, Կովսականի և Բերձորի միջազգային օդանավակայանների մասին։
Շեյխ Մոհամմեդ բին Զայեդ Ալ Նահյանն այցելել է Շուշի, որտեղ տեղի է ունեցել Իլհամ Ալիևը դեմ առ դեմ հանդիպում։ Երկու երկրների ղեկավարների առանձնազրույցին հաջորդել են ընդլայնված կազմով բանակցությունները։ Երկու երկրների ղեկավարների մասնակցությամբ տեղի է ունեցել Ադրբեջանի և Արաբական Միացյալ Էմիրությունների միջև ստորագրված փաստաթղթերի փոխանակման արարողություն։
Հավելենք, որ Ալիևը մի քանի օր է՝ Արցախում է։ Նախօրեին նա հայաթափված Շուշի քաղաքում ընդունել էր Թուրքիայի ԳՇ նորանշանակ պետ Սելջուկ Բայրաքթարօղլուին։
Թարգմանությունը՝ Էմմա Չոբանյանի
