07.09.2026 | 11:29
Վայոց ձորի մարզի Արենի համայնքի սեփականության իրավունքն է վերականգնվել 0.12 հա մակերեսով հողամասի նկատմամբ
Տարածաշրջանում խաղաղության դարաշրջան է սկսվել․Ալիևը Շուշիում ընդունել է Թուրքիայի ԳՇ պետին
Քաղաքականություն
15.09.2025 | 23:18
Ադրբեջանի նախագահ Իլհամ Ալիևը հայաթափված Շուշի քաղաքում ընդունել է Թուրքիայի զինված ուժերի գլխավոր շտաբի պետ Սելջուկ Բայրաքթարօղլուին։
Ադրբեջանական կողմի հաղորդմամբ՝ Բայրաքթարօղլուն, շնորհակալություն հայտնելով ընդունելության համար, Ալիևին փոխանցել է Թուրքիայի նախագահ Ռեջեփ Թայիփ Էրդողանի ողջույնները։
Ալիևն էլ շնորհակալություն է հայտնել ողջույնների համար և խնդրել իր ողջույնները փոխանցել Թուրքիայի նախագահին։
Հանդիպման ժամանակ ընդգծվել է, որ երկրների միջև եղբայրական և ռազմավարական դաշնակցային հարաբերությունները հաջողությամբ զարգանում են բոլոր ոլորտներում, այդ թվում՝ ռազմական ոլորտում։
Ալիևը հայտարարել է՝ չկան միմյանց այնքան մոտ երկրներ, որքան Ադրբեջանն ու Թուրքիան են և նշել է, երկու երկրների միասնությունը կարևոր գործոն է համաշխարհային մասշտաբով։
Իլհամ Ալիևը ընդգծել է, որ տարածաշրջանում արդեն սկսվել է խաղաղության դարաշրջանը։
Զրույցի ընթացքում անդրադարձ է կատարվել 2021 թվականին Շուշիում Ադրբեջանի և Թուրքիայի միջև դաշնակցային հարաբերությունների մասին հռչակագրի ստորագրման կարևորությանը։
Գոհունակությամբ նշվել է, թե «այսօրվա հանդիպումը համընկնում է սեպտեմբերի 15-ի՝ Կովկասի իսլամական բանակի կողմից Բաքվի դաշնակցա-բոլշևիկյան օկուպացիայից ազատագրման 107-ամյակի հետ»:
Զրույցի ընթացքում մտքերի փոխանակում է տեղի ունեցել Ադրբեջանի և Թուրքիայի ռազմական կառույցների միջև եղբայրության և ռազմավարական դաշինքի վրա հիմնված համագործակցության հետագա զարգացման վերաբերյալ։
Հիշեցնենք, որ Բայրաքթարօղլուն այսօր ավելի վաղ Բաքվում հանդիպել էր Ադրբեջանի ԳՇ պետ Քերիմ Վելիևին ու պաշտպանության նախարար Զաքիր Հասանովին։
Թարգմանությունը՝ Էմմա Չոբանյանի
