30.07.2026 | 19:50
Եվրոպոլում նշանակվել է ՆԳՆ կապի սպա, որը համակարգում է Հայաստանի իրավապահ համակարգի աշխատանքը Եվրոպոլի հետ․ ՆԳ նախարար
Լևոն Քոչարյանին հարցրեք՝ ո՞նց եղավ ԼՂՀ-ից եկան ու դարձան մուլտիմիլիոնատեր․ Կոնջորյանը՝ Գրիգորյանին․ ՏԵՍԱՆՅՈՒԹ
Քաղաքականություն
11.09.2025 | 16:39
«Ընդդիմությունն այսքան երկար-երկար, քանի տարի ասում է՝ հեսա փոխում ենք իշխանությունները, մինչև տոներ, մինչև մայիսյան տոներ այլևս իշխանություն չի լինելու, այլևս իշխանություն չկա, իրավիճակին չեք տիրապետում, ժողովրդի վստահությունը չունեք, տարին մի 4 անգամ «իշխանափոխություն են անում», ժողովրդին «փրկում են», մի խոսքով՝ քանի տարի է՝ չեն կարողանում մի բան անել և երկար մտածելուց հետո հասկացել են՝ լեռը մուկ է ծնել, որոշել են խորհրդարանական լսումներ անել»,- այս մասին ԱԺ նիստում ասաց «Քաղաքացիական պայմանագիր» խմբակցության ղեկավար Հայկ Կոնջորյանը՝ արձագանքելով «Պատիվ ունեմ» խմբակցության ղեկավար Հայկ Մամիջանյանի՝ վարչապետին իմփիչմենթ հայտնելու վերաբերյալ տեղի ունենալիք խորհրդարանական լսումների մասին հայտարարությանը:
Իր ելույթում Կոնջորյանն անդրադարձավ նաև «Հայաստան» խմբակցության պատգամավոր Աննա Գրիգորյանի հայտարարություններին։ Դիմելով Գրիգորյանին՝ իշխող ուժի ներկայացուցիչը հարց ուղղեց․ «Հուզումնալից հայտարարություններ եք անում։ Լևոն Քոչարյանին հարցրեք՝ ո՞նց եղավ ԼՂՀ-ից եկան ու դարձան մուլտիմիլիոնատեր։ Վախենո՞ւմ եք Լևոն Քոչարյանին հարցնել՝ ո՞նց դարձան մուլտիմիլիոնատեր»։
Մանրամասները՝ տեսանյութում։
Մանյա Պողոսյան
