11.09.2026 | 23:28
Վարչապետը խարույկի շուրջ հանդիպում է ունեցել հեծանվավազքի «Վարչապետի գավաթ»-ի մասնակիցների հետ
Որոշ հատվածներում ադրբեջանական զորքերը ՀՀ տարածքում են, հայկական զորքերն էլ` իրենց. Սիմոնյան․ ՏԵՍԱՆՅՈՒԹ
11.09.2025 | 14:14
«Խաղաղության պահանջն իմ պահանջն է, դա Ադրբեջանի պահանջը չէ, ադրբեջանական գյուղն Ադրբեջանին հետ տալը, հայկական գյուղը Հայաստանին հետ տալը, իմ պահանջն է»,- այս մասին լրագրողների հետ ճեպազրույցում հայտարարեց ԱԺ նախագահ Ալեն Սիմոնյանը:
«Ես ներողություն եմ խնդրում, իսկ հայկական զորք չկա՞ Ադրբեջանի տարածքում։ Ուրեմն, ասում եմ՝ կան տեղեր: Որոշ հատվածներում ադրբեջանական զորքերը ՀՀ տարածքում են, հայկական զորքերն էլ` իրենց։ Շատ տեղերում իրենք են առաջ, շատ տեղերում՝մենք, օրինակ՝ Տավուշում»,- նշեց նա։
Factor TV-ի հարցին՝ ինչպե՞ս է ստացվում հայ պաշտոնյաներն ասում են՝ Հայաստանի տարածքում կան ադրբեջանական տարածքներ և հակառակը, բայց ադրբեջանական կողմից երբեք նման բան չի ասվում, Սիմոնյանն արձագանքեց․ «Ես ուզում եմ հասկանալ, մեր նպատակը այդ հայտարարությունները լսել-չլսե՞լն է, թե սահման ունենալն է: Ինձ հետաքրքիր չէ՝ իրենք ինչ են հայտարարում: Ինչպե՞ս է ստացվում, քարտեզը բացում ենք, որտեղ որ Ադրբեջանի հետ համաձայնվել ենք, որ այս քարտեզը հիմք է հանդիսանում, այսինքն՝ Ալմաթայի հռչակագրի տակ դրված քարտեզը, տեսնում ենք այստեղ 50 մետր այս մի զինվորն է ներս կանգնած, այստեղ 50 մետր այն մի զինվորն է այնպես կանգնած: Թե ձեզ թվում է այդպես սանտիմետրով Վրաստանից մինչև Իրան մեր զինվորները այսպես ուղիղ գծով, այ այսպես ուղիղ գծով կանգնած են»։
Մանրամասները՝ տեսանյութում։
Մանյա Պողոսյան
